22:73  73  INSTRUCTION  ET  CONFESSION  DE  FOY.  74  il  est  proffitable  a  eulx  mesmes  que  leur  malice  soit  ainsi  chastiee:  car  ou  autrement  par  tollerance  ilz  seroient  faictz  plus  obstinez,  par  cecy  estans  confuz  de  honte,  ilz  apprenent  de  sadmender.  Laquelle  chose  si  on  obtient,  lEglise  les  recoit  benignement  en  sa  communion  et  en  la  participation  de  celle  unite  de  laquelle  ilz  avoient  este  excluz.  Or  affin  que  personne  ne  mesprise  obstinement  le  iugement  de  lEglise,  ou  estime  peu  quil  ait  este  condamne  par  sentence  des  fideles,  le  Seigneur  testifie  que  tel  iugement  des  fideles  nest  autre  chose  que  la  prononciation  de  sa  sentence,  et  que  cela  quilz  auront  faict  en  terre  est  ratifie  aux  cieulx  (Math.  18).  Car  ilz  ont  parolle  de  Dien,  par  laquelle  ilz  peuvent  condamner  les  pervers,  et  ont  parolle  par  laquelle  ilz  peuvent  recevoir  en  grace  ceulx  qui  se  admendent.  Du  magistrat.  Le  Seigneur  na  pas  seulement  testifie  que  lestat  des  magistratz  estoit  approuve  de  luy  et  luy  estoit  aggreable,  mais  aussi  il  nous  la  davantaige  grandement  recommande,  ayant  honore  la  dignite  dicelluy  de  tiltres  fort  honorables.  Car  il  afferme  (Proverb.  8)  que  cest  une  oeuvre  de  sa  sapience  que  les  roys  regnent,  que  les  conseilliers  ordonnent  choses  iustes  et  que  les  magnifiques  de  la  terre  sont  iuges.  Et  ailleurs  (Psalm.  82)  il  les  nomme  dieux,  parce  quilz  font  son  oeuvre.  Aussi  en  autre  lieu  (Deutero.  1  et  2,  Paral.  19)  ilz  sont  dictz  exercer  iugement  pour  Dieu,  non  pour  lhomme.  Et  sainct  Paul  (Rom.  12)  nomme  entre  les  dons  de  Dieu  les  superioritez.122)  Mais  (Rom.  13)  ou  il  en  entreprent  plus  grande  dispute  il  enseigne  tres  clairement  que  leur  puissance  est  ordonnance  de  Dieu  et  que  eulx  ilz  sont  ministres  de  Dieu,  pour  louange  a  ceulx  qui  font  bien  et  pour  faire  la  vengeance  de  lire  de  Dieu123)  sur  les  maulvais.  Par  quoy  il  appartient  aux  princes  et  magistratz  de  penser  a  qui  ilz  servent  en  leur  office  et  de  ne  faire  rien  indigne  des  ministres  et  lieutenans  de  Dieu.  Or  quasi  toute  leur  solicitude  doibt  estre  en  cecy,  cest  quilz  conservent  en  vraye  purete  la  forme  publique  de  religion,  quilz  instituent  la  vie  du  peuple  par  tres  bonnes  loix  et  quilz  procurent  le  bien  et  tranquilite  de  leurs  subiectz  124)  tant  en  publiq  quen  prive.  Mais  cecy  ne  se  peult  obtenir  sinon  par  iustice  et  par  iugement,  lesquelles  deux  choses  leur  sont  principalement  recommandees  par  le  prophete  (Ieremie  22).  Cest  iustice  que  de  prendre  en  sauvegarde  les  innocens  et  les  maintenir,  I22)  praefecturas.  123)  de  Dieu  om.  124)  suae  ditionis.