21:73  73  PAR  NICOLAS  OOLLADON.  74  Calvin  d'entree  proceda  en  telle  sorte  que  c'estoit  seulement  pour  le  ramener  au  droict  chemin,  sans  luy  donner  matiere  de  s'aigrir.  Car  il  se  contenta  de  luy  respondre  tellement  en  public,  que  le  peuple  qui  estoit  la  assemble  ne  s'en  retournast  point  abbruve  d'aucun  erreur  :  et  c'estoit  plustost  pour  redresser  ce  que  l'autre  avoit  dit,  que  pour  s'attacher  a  la  personne  d'iceluy,  comme  aussi  il  se  contenta  de  rabatre  les  coups  sans  le  marquer.  Davantage,  il  fut  appelle  en  conference  particuliere  avec  le-dit  Calvin  et  ses  compagnons  Ministres  de  l'Eglise:  la  ou  on  luy  remon  stra  assez  longuement  et  par  divers  passages  de  l'Escriture,  comment  il  s'abusoit.  Cela  fut  environ  le  15.  iour  de  May.  Mais  il  se  monstra  fort  obstine  neantmoins,  combien  qu'il  ne  respondist  rien  pertinemment,  et  que  luy-mesme  confessast  qu'il  ne  savoit  que  repliquer  a  un  passage  d'Ezechiel  qu'on  luy  mit  en  avant.  Depuis,  il  se  contenta  d'espandre  couvertement  son  venin:  mais  comme  Dieu  ne  le  vouloit  laisser  gaster  le  troupeau,  il  se  descouvrit  encore.  Car  il  advint  qu'estant  en  partie  solicite  par  quelques  garnemens,  il  recommenca  plus  fort  que  iamais  a  remettre  sus  ses  erreurs  en  pleine  Congregation.  Ce  fut  le  16.  iour  d'Octobre  que  le  passage  du  8.  de  S.  Iean  avoit  este  expose,  Qui  est  de  Dieu,  il  oit  les  paroles  de  Dieu,  et  pourtant  vous  ne  les  oyez  point,  a  cause  que  vous  n'estes  point  de  Dieu.  La  ce  gal  antl)  se  va  enfler,  et  babille  long  temps,  disant  que  nous  faisions  Dieu  autheur  de  peche  et  coulpable  de  la  condamnation  des  meschans:  que  c'estoit  en  faire  un  Tyran  ou  un  Iuppiter:  item,  qu'on  faisoit  accroire  a  S.  Augustin  qu'il  estoit  de  ceste  opinion:  mais  que  luy  ne  tous  les  anciens  Docteurs  ne  la  tenoyent.  Pour  conclusion  ii  exhorte  le  peuple  de  se  donner  garde  de  ceste  nouvelle  doctrine,  que  tenoyent  plusieurs  auiourd'huy,  disans  qu'elle  estoit  venue  de  Laurens  Valle.  Or  pensoit  cest  effronte  avoir  trouve  occasion  de  seduire  le  peuple,  pource  que  Calvin  n'avoit  assiste  a  ladite  Congregation,  cependant  que  le  proposant  parloit.  Mais  combien  que  tant  les  autres  [d  4]  Ministres  que  M.  Guillaume  Farel,  qui  estoit  lors  venu  de  Neufchastel  ici  voir  l'Eglise  et  visiter  ses  amis,  ne  fussent  pas  demeurez  court:2)  Dieu  voulut  toutesfois  que  Calvin  sur  vi  nt  un  peu  apres  les  premiers  propos  de  Ierosme,  qui  ne  i'apperceut  point.  Il  eut  donc  la  patience  de  le  laisser  tout  dire,  et  puis  il  s'opposa  vivement  a  ce  loup  desguise,  et  sus  le  champ  luy  respondit  de  point  en  point  quasi  l'espace  d'une  heure  entiere:  allegant  outre  tant  de  tesmoignages  de  l'Escriture,  si  nommement  infinis  passages  de  S.  Augustin,  qu'il  sembloit  qu'il  les  eust  leus  et  estudiez  le  jour  mesme.  Et  pour  1)  cet  homme  F.  2)  muets  F.