15:73  73  1554  MART.  74  (Ex  autographo  Cod.  Genev.  109,  fol.  42.)  Reverendis  in  Christo  patribus  dominis  Ioanni  Calvino  Guil.  Farello  et  Petr.  Vireto  dominis  suis  plurimum  colendis.  Dominis  ac  praeceptoribus  suis  in  Christo  venerandis  Io.  Calvino,  Guillelmo  Farello  et  P.  Vireto,  Ioannes  Garnerius  humilis  discipulus  S.  P.  D.  Paucis  vobiscum  agam,  patres  ac  praeceptores  venerandi.  Obiter  narrabo  quae  superiori  Dominica  (quae  fuit  4  huius  mensis  Martii)  facta  sunt  in  nostra  ecclesia.  Illa  die  adfuit  senatus  in  nostra  concione  una  cum  domino  doctore  Hembarbachio,l)  primo  et  praecipuo  concionatore  huius  civitatis.  His  habuit  concionem  latinam,  quam  ego  gallice  tandem  interpretatus  sum  ecclesiae  praesentibus  illis.  Haec  in  summa  fuerunt  tractata:  primo  quod  Augustana  confessio  debeat  ab  omnibus  recipi  et  iuxta  illam  per  totam  ipsorum  ditionem  doceri.  Ad  hoc  respondi  ipse  in  persona  totius  ecclesiae,  me  posse  et  velle  illam  confessionem  recipere  ad  bonum  sensum,  modo  bene  intelligatur  et  interpretetur.  *  Deinde  dt.2)  quod  magistratus  velit  nos  omnes  unum  sentire  et  docere  de  sacramentis.  Quid  autem  nos  sentiamus  aut  doceamus  de  sacramentis  (inquit  ipse  doctor  Hembarbaus)  paucis  dicam  :  primo  nos  dicimus  sacramenta  esse  signa  gratiae,  sigilla  promissionum  Dei  et  pignora  remissionis  peccatorum  factae  per  Christum.  Item  quod  sunt  caeremoniae  institutae  a  Christo  in  evangelio,  quae  consistunt  in  ipso  usu  contra  quem  sacramenta  non  sunt.  Praeterea  (inquit)  noa  negamus  omnem  transsubstantiationem  contra  papistas,  et  dicimus  nullam  mutationem  fieri  in  symbolis,  sed  eadem  perpetuo  manere.  Deinde  negamus  omnem  localem  exsistentiam  corporis  Christi.  Interea  docemus  quod  quicunque  utitur  hoc  pane  et  vino  in  eucharistia  iuxta  institutionem  Iesu  Christi,  quod  his  recipit  verum  corpus  et  sanguinem  Christi.  De  modo  autem  quo  recipimus,  aut  ipse  Christus  dat  se  nobis,  non  sumus  multum  anxii  aut  solliciti,  nec  volumus  disputare  de  modo  praesentiae:  hoc  nos  ignoramus,  praesertim  quum  humana  ratio  hoc  non  possit  assequi.  Nos  dicimus  cum  virgine  Maria:  fiat  mihi  secundum  verbum  tuum,  inhiantes  illi  verbo  Domini:  hoc  est  corpus  meum,  hic  est  calix  novi  testamenti  ete*  Ad  haec  ipse  respondi,  me  libenter  amplecti  illa  4  epitheta  sacramentorum,  quod  sint  signa,  sigilla,  pignora  et  caeremoniae,  deinde  negare  libenter  transsubstantiationem  et  praesentiam  localem  imo  etiam  corporalem.  Sed  de  modo  quo  datur  aut  recipitur  Christus