13:73  73  1548  OCTOB.  74  que  Dieu  la  desadvouera  au  dernier  jour,  puis  qu  auiourdhuy  il  la  condampne  par  sa  parolle.  Si  nous  desirons  de  retirer  le  monde  dun  tel  abisme,  il  ny  a  rien  meilleur  que  de  venir  a  lexemple  de  S.  Paul,  lequel  voulant  corriger  ce  que  les  Corinthiens  avoient  mal  adiouste  a  la  Cene  de  nostre  Seigneur,  leur  dict  :  lay  receu  du  Seigneur  ce  que  ie  vous  ay  baille.  De  la  il  nous  fault  recueillir  ung  enseignement  general  de  retourner  au  vray  commandement  de  Dieu  et  naturel,  si  nous  voulons  avoir  une  bonne  reformation  et  approvee  de  luy.  Car  tant  de  meslinges  que  les  hommes  ont  advance  de  leur  esprit,  autant  sont  ce  de  pollutions  qui  nous  destournent  du  sainct  usaige  de  ce  que  Dieu  nous  a  donne  pour  nostre  salut.  Ainsi  desbrancher  a  demv  telz  abuz  ne  sera  point  reduyre  les  choses  en  pur  estat,  car  nous  aurons  tousiours  une  chrestiente  desguysee.  Ie  dy  cecy  pource  quaucuns,  soubz  umbre  de  moderation,  sont  dadvis  quon  espargne  beaucoup  dabus  sans  y  toucher,  et  leur  semble  que  cest  assez  d  avoir  desracine  le  principal.  Mais  au  contraire  nous  voyons  combien  la  semense  des  mensonges  est  fertile,  et  quil  nen  fault  quun  grain  pour  remplir  le  monde  au  bout  de  trois  iours,  selon  que  les  hommes  y  sont  enclins  et  adonnez.  Nostre  Seigneur  nous  enseigne  bien  une  aultre  facon,  car  quand  David  parle  des  idoles  il  dict:  Que  leur  nom  ne  passera  point  par  sa  bouche,  pour  signifier  en  quelle  detestation  nous  les  debvons  avoir.  Sur  tout  si  nous  regardons  comment  nous  avons  offense  Dieu  du  temps  de  nostre  ignorance,  nous  debvons  estre  doublement  touchez  pour  fuyr  les  inventions  de  Sathan  qui  nous  ont  induitz  a  mal  faire,  comme  des  macquerellages  qui  ne  servent  qua  seduyre  les  ames.  Daultre  coste  nous  voyons,  encores  quon  remonstre  aux  hommes  leurs  faultes  et  erreurs,  quon  les  advertisse  des  obietz  tant  quon  peult,  que  neantmoins  ilz  sont  si  endurcys  quon  nen  peult  venir  a  bout.  Quand  doncques  on  leur  laissera  quelques  relicques,  ce  sera  une  nourriture  de  tant  plus  grande  obstination,  et  ung  voyle  pour  leur  obscurcir  toute  la  doctrine  quon  leur  pourra  proposer.  Je  confesse  bien  quil  fault  tenir  moderation,  et  que  trop  grande  extremite  nest  pas  bonne,  ne  utile;  mesme  quil  fault  accommoder  les  ceremonies  a  la  rudesse  du  peuple.  Mais  il  ne  fault  point  que  ce  qui  est  de  Sathan  et  de  lantechrist  passe  soubz  ceste  couleur  la.  Cest  pourquoy  lEscripture  saincte  louant  les  Roix  qui  avoient  abatu  les  idolatries,  nayant  point  racle  toua  entierement,  leur  donne  une  notte  que  toutesfois  ilz  nont  point  abbatu  lez  chappelles  et  lieux  de  folle  devotion.  Parquoy,  Monseigneur,  puis  que  Dieu  vous  a  amene  si  avant,  faictes,  ie  vous  prie,  que  sans  exception  il  vous  approuve  pour  reparateur  de  son  temple,  en  sorte  que  le  temps  du  Roy  vostre  nep-