11:73  1540  AUGUST.  liatione  coram  nobiscum  acturus,  quam  literis  id  expertus  esses,  praesertim  quales  tuae  sunt.  Vehementer  ideo  laboras  ne  videaris  absque  iusta  causa  in  ecclesia  turbas  excitare:  quasi  ulla  turbandae  ecclesiae  honesta  causa  obtendi  possit.  Demus  non  habitam  fuisse  tui  rationem  a  fratribus  quam  oportuerat:  an  ideo  tamen  protinus  ita  tumultuari  fas  fuit?  Dicesne  fuisse  spiritum  Dei  qui  te  impulerit  ad  denunciandum  omnibus  certamen?  Neque  haec  dico  exprobrandi  causa:  utinam  passus  fuisses  me  prorsus  tacere.  Verum  dum  omnes  eos  qui  tua  saltem  opinione  non  satis  aequos  tibi  se  praebuerunt  cum  Satana  coniungis,  nimis  certe  stupidos  arbitraris,  si  posse  hoc  silentio  transmittere  existimas.  Dicis  te  indignatione  fuisse  percitum,  ut  Farellum  et  me  traduceres,  quoniam  literis  nostris  effeceramus  ne  tibi  fratres  Neocomenses  locum  darent.  Primum  id  vel  abs  te  confictum  est,  vel  falso  ad  te  delatum:  nihil  enim  unquam  mihi  in  mentem  venit  tale  scribere  Neocomensibus.  In  literis  Farelli  quantum  audio  (nihil  enim  habeo  praeter  auditum)  longe  durius  tractatus  fuerat  Michael  quam  tu.  Quum  ergo  neque  verbo  neque  facto  unquam  te  laesissent,  imo  quum  ne  minima  unquam  offensiuncula  te  pupugissem,  cuius  humanitatis  fuit  me  usque  adeo  atrociter  lacerare?  Quod  si  qua  in  re  privato  tuo  commodo  obstitissem,  quam  aliena  tamen  homine  christiano  illa  ratio  fuit,  ut  vindictae  cupiditate  inflammatus  in  illud  turbulentum  consilium  prorumperes?  Quum  tibi  semper  antehac  sine  dubitatione  fuissem  frater,  qui  fieri  potuit  ut  momento  uno  fierem  haereticus,  a  cuius  communione  abhorreres?  Scilicet  hoc  non  est  sacrosancto  Dei  nomine  abuti.  Negas  aliud  tibi  superfuisse,  nisi  ut  nos  irreconciliabiles  proclamares  (hoc  enim  est  tuum  verbum)  sed  paulisper,  quaeso,  tecum  reputa,  quam  te  ridiculum  facias,  quem  constat  in  media  pace  classicum  cecinisse.  Verum  fac  tibi  datam  a  nobis  aliquam  occasionem:  quid  tamen  sibi  vult  verbum  illud  quo  uteris?  Certe  irreconciliabilis  dicitur  is  quem  quum  modis  omnibus  placare  studueris,  non  potueris  tamen  ad  ullam  partem  aequitatis  inflectere.  Quando  tam  praefractam  ac  pertinacem  duritiem  in  nobis  unquam  expertus  es?  De  me  quod  conqueraris  non  habes:  ego  vero  iustissimam  rationem  habeo,  cur  tecum  expostulem,  ut  nihil  dicam  gravius.  Neque  tamen  de  ultione  cogitavi:  tantum  abest  ut  facinus  ullum  hostile  in  te  designaverim.  De  Farello  velim  scire,  quam  iniuriam  tibi  fecerit.  Scripsit  ne  admitterentur  ad  ministerium,  qui  ecclecontulerat,  deinde  ut  videtur  denuo  conditionem  quaesivit  im  ditione  Neocomensi.  Hic  vero  spe  deiectus,  vel  repulsam  passus,  ad  Calvinum  literas  dedit  partim  de  eius  Farellique  inimicitia  querentes,  partim  reconciliationem  ambientes.  Quae  tamen  aetatem  non  tulerunt.