10.1:73  ORDONNANCES.  mons,  du  matin  et  d'apres  midi,  et  au  Catechisme:  et  qu'estans  assis  en  leurs  places  ils  oyent  attentivement  et  en  reverence  le  sermon.  [page  5]  Qu'il  y  ait  aussi  en  chasque  temple  quelque  Regent  :  et  qu'il  y  soit  d'heure,  a  fin  qu'il  prenne  garde  sur  sa  troupe.  Le  sermon  fini,  si  besoing  est,  qu'il  face  lire  le  rolle,  et  qu'il  note  les  absens  et  ceulx  qui  auront  este  nonchalans  a  escouter  la  parolle  de  Dieu  :  lesquels  le  lendemain  seront  (s'ils  se  trouvent  coulpables)  publiquement  chastiez  au  College  selon  leur  demerite.  Que  les  cscholiers  se  trouvent  en  leur  auditoire,  Lundi,  Mardi,  Ieudi,  et  Vendredri,  a  six  heures  du  matin  en  este,  et  a  sept  heures  en  hyver.  Qu'en  chasque  classe  ils  soyent  partis  par  dizaines,  et  que  chasque  dizaine  s'ordonne  selon  que  chascun  aura  profite,  sans  avoir  esgard  ni  a  l'aage,  ni  a  la  maison.  Que  chasque  dizenier  soit  assis  le  premier  en  sa  dizaine,  et  qu'il  y  soit  comme  superintendant.  Qu'estans  assemblez  chascun  en  son  auditoire,  ils  commencement  par  la  priere,  qui  est  specialement  faicte  pour  eulx  au  Catechisme,  et  que  chascun  la  prononce  a  son  tour  devotement.  Apres,  que  chascun  soit  appele  selon  le  rolle.  S'il  y  en  a  quelques  absens,  ou  qui  viennent  trop  tard,  que  le  Regent  scache  pourquoy,  a  fin  de  les  absouldre:  ou  s'ils  ont  failli,  de  les  chastier  doulcement.  Sur  tout  qu'en  cest  endroit  les  mensonges  soyent  punis.  Cela  faict,  qu'ils  soyent  enseignez  en  este  par  l'espace  d'une  heure  et  demie  :  puis  qu'ils  ayent  1)  demie  heure  pour  desieuner,  sans  bruit  et  avec  prieres.  Consequemment  qu'ils  soyent  enseignez  iusques  a  neuf  heures.  En  hyver,  qu'ils  soyent  enseignez  de  sept  iusques  [pag.  6]  a  neuf,  sans  que  le  desieuner  rompe  la  lecon,  en  estant  prins  legierement,  durant  que  les  enfans  diront  leur  texte.  Les  lecons  du  matin  achevees,  que  chascun  a  son  tour  recite  en  chasque  classe  l'oraison  Dominicale,  avec  quelque  brefve  action  de  graces.  Finalement,  apres  les  avoir  admonnestez  de  leur  debvoir,  qu'ils  soyent  conduis  en  leurs  maisons  par  deux  Regens:  a  scavoir  des  quatre  plus  basses  classes,  lesquels  feront  cest  office  deux  a  deux  par  septmaine,  ou  par  tour.  Qu'ils  retournent  au  college  hyver  et  este,  apres  disner  a  onze  heures  :  et  que  la  ils  s'exercent  a  chanter  Pseaumes  iusqu'a  midi.  Depuis  midi  qu'il  leur  soit  faict  une  lecon  iusques  a  une  heure.  De  1)  1561  ajoute:  une.