9:729  729  CONFESSIONES.  730  doibvent  estre  recens  cn  l'Eglise  par  le  Baptesme,  et  deteste  sur  cela  l'erreur  des  Anabaptistes.  Quant  a  la  Cene  ie  confesse  que  ce  nous  est  un  tesmoignage  do  l'unite  que  nous  avons  avec  Iesus  Christ:  d'autant  qu'il  n'est  pas  seulement  une  fois  mort  et  resuscite  pour  nous,  mais  aussi  nous  repaist  vrayement  et  nourrit  de  sa  chair  et  de  son  sang,  a  ce  que  nous  soyons  un  avec  luy,  et  que  sa  vie  nous  soit  commune.  Combien  qu'il  soit  au  ciel  iusques  a  ce  qu'il  vienne  pour  iuger  le  monde,  toutesfois  ie  croy  que  par  la  vertu  secrette  et  incomprehensible  de  son  esprit  il  vivifie  nos  ames  de  la  substance  de  son  corps  et  de  son  sang-.  Et  en  general  ie  confesse  que  tant  en  la  Cene  qu'au  Baptesme  Dieu  nous  donne  realement  et  accomplit  par  effect  ce  qu'il  y  figure:  mais  que  pour  obtenir  un  tel  bien,  il  nous  fault  conioindre  la  parolle  avec  les  signes.  Sur  quoy  ie  deteste  l'abus  et  corruption  de  la  Papaute,  d'avoir  oste  le  principal  des  sacremens,  a  scavoir  la  doctrine,  pour  nous  enseigner  du  vray  usage  et  du  fruict  qui  en  procede,  et  en  avoir  faict  comme  des  charmes  et  sorceleries.  Aussi  ie  confesse  que  l'eau  estant  un  element  caduque  ne  laisse  pas  de  nous  testifier  en  verite  au  Baptesme  la  vraye  presence  du  sang  de  Iesus  Christ  et  de  son  Esprit:  et  qu'en  la  Cene  le  pain  et  le  vin  nous  sont  vrays  gages  et  infallibles  que  nous  sommes  nourris  spirituellement  du  corps  et  du  sang  de  Iesus  Christ.  Et  ainsi  ie  conioins  avec  les  signes  la  possession  et  iouissance  de  ce  qui  nous  y  est  presente.  Et  d'autant  que  la  saincte  Cene,  selon  qu'elle  a  este  establie  de  Iesus  Christ,  nous  est  un  thresor  inestimable  et  sacre,  tant  plus  ie  deteste,  comme  un  sacrilege  insupportable,  ceste  maudicte  abomination  de  Messe,  laquelle  ne  sert  qu'a  renverser  tout  ce  que  Iesus  Christ  nous  a  laisse:  tant  en  ce  qu'on  en  fait  un  sacrifice  pour  les  vivans  et  pour  les  morts,  qu'en  tout  le  reste  qui  contrevient  a  la  pure  institution  du  sacrement  de  la  Cene.  Ie  confesse  que  Dieu  veult  que  le  monde  soit  gouverne  par  loix  et  police,  a  fin  qu'il  y  ait  quelques  brides  pour  reprimer  les  appetits  desordonnez  des  hommes.  Ainsi  qu'il  a  establi  les  royaumes,  pri  nci  pau  tez  et  seigneuries,  et  tout  ce  qui  appartient  a  l'estat  de  iustice:  et  en  veult  estre  recognu  autheur,  a  fin  qu'a  cause  de  luy  non  seulement  on  endure  que  les  superieurs  dominent,  mais  aussi  qu'on  les  honnore  et  prise  en  toute  reverence,  les  tenant  pour  ses  lieutenans  et  officiers,  lesquelz  il  a  commis  pour  exercer  une  charge  legitime  et  saincte.  Pourtant  qu'il  fault  obeir  a  leurs  loix  et  statuts,  payer  tributs  et  imposts,  et  autres  debvoirs,  et  porter  le  ioug  de  subiection  d'une  bonne  volonte  et  franche:  moyennant  que  l'empire  souverain  de  Dieu  demeure  en  son  entier.