7:729  729  CONSENSIO  IN  HE  SACRAMENTARIA.  730  iura  praedita  ex  instituentis  decreto  ut  ipsa  etiam  quasi  aspectahilis  sermonis  prae  se  ferant  imaginem,  sintque,  si  Augustini  verbis  uti  placet,  quasi  visibile  verbum  quod  in  oculos  occurrat,  reliquos  concitet  corporis  sensus,  veluti  aurium  sensum  externae  sonus  vocis,  et  principum  sigilla  eorum  impressa  et  affixa  diplomatibus.  Quod  sane  institutum  eo  spectat  ut  familiarius  nostrae  succurratur  infirmitati.  Proinde  in  sacramentorum  negotio  duo  nobis  considerare  convenit.  Prius  est  Dei  sermo,  alterum  symbola  ipsa  quae  ipsius  sunt  tanquam  sigilla  quaedam.  Deinde  utrumque  horum  duplicem  admittit  rursum  considerationem.  Nam  ut  ad  internum  quoque  verbum  nobis  est  respiciendum,  quando  externum  anribus  nostris  insonat,  ita,  dum  oculis  corporis  sacramentorum  symbola  obiiciuntur  et  obversantur,  oculos  quoque  animi  convertere  oportet  ad  eas  res  quarum  sunt  symbola.  Ex  his  omnibus,  quae  sit  vera  sacramenti  definitio,  clarum  esse  potest.  Est  itaque  sacramentum  signum  visibile  a  Christo  institutum,  quo,  ut  Deus  sua  nobis  promissa  obsignat,  ita  nos  vicissim  nostram  in  eum  fidem  profitemur.  At  vero  huiusmodi  sacramenta  duo  duntaxat  a  Christo  instituta  agnosco  :  baptismum  scilicet  et  coenam  Domini,  Porro  baptismum  definio:  sacramentum  quo  nobis  nostra  regeneratio  aquae  symbolo  obsignatur  et  in  ecclesiam  suam  nos  Christus  recipi  testatur.  Coena  vero  sacramentum  est  quo  panis  et  vini  symbolis  testatur  Christus  sui  corporis  et  sanguinis  immolatione  nos  esse  redemptos,  eaque  nobis  in  spiritualem  alimoniam  donata  esse.  Ergo  panis  et  vinum  symbola  sunt  quae  rebus  terrenis  constant.  Corpus  et  sanguis  Christi  res  divinae  et  spirituales  quas  ipsae  significant.  Quum  igitur  Christus  panem  vocat  suum  corpus  et  vinum  suum  sanguinem,  figurate  verba  illa,  non  autem  simpliciter,  ut  prima  specie  sonare  videntur,  accipienda  sentio,  sed  eodem  sensu  quo  Uia,  in  eodem  rerum  genere:  circumcisio  est  foedus  Domini,  agnus  est  transitus.  Idcirco,  qui  μετωρυμικῶς  est  pro  significat  interpretantur,  non  repudio  sed  approbo,  praesertim  quum  haec  interpretatio  et  literis  divinis  et  veterum  patrum  sententiis  apprime  consona  sit,  modo  de  ea  significatione  intelligatur  quae  sacramentis  propria  est.  Huius  autem  significandi  ratio  huiusmodi  est,  ut,  quemadmodum  nequaquam  m-  %  telligimus  inanibus  imaginibus  et  ludibriis  piorum  mentes  illudi,  sacramentorum  actione  et  perceptione,  quasi  nuUus  omnino  iis  inesset  rerum  coelestium,  quae  externis  symbolis  signantur,  spiritus  divini  in  fideli  anima  gustus  atque  sensus,  sic  nec  terrenas  in  coelestes  transformari,  aut  coelestes  terrenis  aliqua  necessitate  velut  individuo  nexu  alligari,  aut  affigi,  aut  cum  symbolis  coniungi,  aut  his  tanquam  in  theca  concludi,  aut  verborum  virtute  Christum  e  coelo  vocari,  eius  corpus