23:729  729  SERMONS.  730  pure  liberalite.  11  nous  faut  tousiours  retenir  cela,  et  de  fait  que  seroit-ce  si  nous  attendions  rien  de  1uy  selon  que  nous  en  sommes  dignes?  Il  faudroit  revenir  a  ceste  inquietude,  de  laquelle  il  a  este  parle  ci  dessus  que  nous  serions  tousiours  en  doute  et  perplexite.  Or  il  faut  que  nostre  fiance  soit  certaine.  Voila  donc  en  somme  ce  que  nous  avons  ici  a  retenir.  Il  reste  maintenant  de  venir  a  la  sentence  de  8.  Iaques,  laquelle  semble  batailler  contre  la  doctrine  de  sainct  Paul,  et  de  toute  l'Escriture  saincte,  selon  que  desia  nous  en  avons  traite:  car  sainct  Iaques  dit,  que  nous  ne  sommes  point  iu8tifiez  par  la  foy,  mais  par  les  oeuvres.  Il  semble  bien  qu'on  ne  puisse  trouver  deux  sentences  plus  contraires  l'une  a  l'autre,  que  de  dire,  que  nous  sommes  iustifiez  sans  les  oeuvres  par  la  seule  foy,  et  que  nous  sommes  iustifiez  par  les  oeuvres  et  non  pas  par  la  foy.  Or  il  est  certain  toutesfois  que  S.  Iaques  qui  a  parle  par  l'Esprit  de  Dieu,  n'est  point  contrevenant  a  la  doctrine  qui  a  este  preschee  et  publiee  des  le  commencement  en  l'Eglise,  qui  a  este  ratifiee  par  les  Prophetes,  et  que  finalement  a  este  encores  [pag.  194]  mieux  confermee  en  nostre  Seigneur  Iesus  Christ  et  par  ses  Apostres.  Mais  la  solution  est  bien  facile  quand  nous  regarderons  a  l'intention  de  S.  laques:  car  il  ne  dispute  point  la  que  peut  la  vraye  foy,  et  ne  parle  point  du  tout  de  la  foy  vraye,  mais  d'une  foy  feinte  et  qui  n'a  autre  chose  qu'une  image  qui  trompe  et  une  illusion.  Car  il  combat  contre  ceux  qui  sous  umbre  de  Chrestiente  se  veulent  donner  toute  licence  de  mal-faire,  comme  il  y  en  a  auiourd'huy  beaucoup,  et  le  diable  a  tasche  d'aveugler  les  hommes,  a  fin  qu'ils  se  pardonassent  tous  pechez,  et  que  sous  le  nom  de  Chrestien  ils  s'abrutissent  et  fussent  du  tout  pervertis.  Et  c'estoit  aussi  pour  diffamer  la  doctrine  de  l'Evangile,  a  fin  qu'on  pensasse,  qu'elle  estoit  pour  abolir  les  bonnes  oeuvres,  et  a  fin  qu'on  ne  s'adonnast  point  au  service  de  Dieu,  comme  les  Papistes  nous  le  reprochent  encores  auiourd'huy.  Or  S.  Iaques  donc  voyant  beaucoup  de  gens  dissolus  et  profanes  qui  abusoyent  ainsi  fausement  du  nom  de  l'Evangile,  et  qui  pretendoyent  le  nom  de  la  foy.  Voire,  dit-il,  apportez-moy  vostre  foy  sans  oeuvres,  et  par  mes  oeuvres  ie  vous  monstreray  ma  foy:  en  cela  il  declaire  assez  qu'il  ne  veut  point  traitter  de  la  foy  selon  que  nous  l'avons  definie.  C'est  que  nous  serons  asseurez  de  la  bonte  de  Dieu  par  sa  parole,  et  que  nous  sachions  qu'il  nous  est  Pere  par  nostre  [pag.  195]  Seigneur  Iesus  Christ.  S.  Iaques  ne  parle  point  de  ceste  foy-Ia,  et  qu'ainsi  soit  elle  ne  peut  apporter  les  oeuvres.  Nous  avons  desia  dit,  que  par  la  foy  nous  recevons  l'Esprit  de  nostre  Seigneur  Iesus  Christ.  Or  il  ne  peut  estre  separe  de  son  Esprit:  et  nous  savons  qu'il  est  dit  qu'il  ne  nous  est  pas  seulement