7:728  neque  vim  eius  ullis  locorum,  aut  temporum,  aut  personarum  diligamus  circumstantiis,  sed  hoc  solum  asserimus,  nunquam  esse  electis  inutile  et  otiosum,  quoniam  ipsorum  animos  Deo  suo  perfundere  spiritu  et  fide  donare  placet,  hancque  esse  viam  qua  nobis  ad  se  swrumque  beneficiorum  communitatem  aditum  patere  voluit,  et  animos  nostros  rerum  corporearum  specie  ad  coelestes  subducere.  Ex  his  itaque  facile  perspicimus  nobis  diligenter  esse  attendendum  quid  proprium  sit  hominis  ministri,  qui  tantum  plantare  et  rigare  potest,  et  quid  Dei,  qui  solus  dat  incrementum.  Quemadmodum  ergo  non  hominem  solum  et  eius  opus,  sed  etiam  Deum  cum  ipsius  opere  nos  in  hoc  ministerio  contemplari  oportet,  ita  necesse  est  duo  nos  verbi  genera  statuere:  alterum  quidem  externum  quod  ministri  ore  enundatur,  alterum  vero  internum  quod  ex  solius  Dei  ore  demanat.  Quocirca,  tametsi  Paulus  sermonem  illum,  cuius  minister  fuit  et  quo  ex  Christi  mandato  homines  instituebat,  non  hominis  sed  Dei  sermonem  esse  affirmet,  nolumus  tamen  Pauli  verba  ita  interpretari  ut  hunc  externum  sermonem  illum  proprie  esse  intelligamus  quem  alibi  vivum  efficacemque  suapte  vi  atque  natura  et  quovis  ancipiti  gladio  acutiorem  testatur,  et  quem  Esaias  in  aeternum  permanere  concionatur,  sed  huius  tantum  vivi  et  efficacis  Dei  sermonis  externam  esse  notam  et  signum  ac  veluti  adumbratam  quandam  expressionem  atque  imaginem,  qui  suapte  vi  atque  natura  in  sensus  quidem  incurrat  externos  corporis,  internos  vero  animi  permovere  efficereque  sensus  non  possit,  nisi  vivus  ille  Dei  et  efficax  sermo,  cuius  est  simulacrum,  et  divini  spiritus  magisterium  accedat,  inque  hominum  animos  et  corda  influat  at  infundatur.  Idem  est  de  sacramentorum  quoque  sacris  symbolis  iudicium,  quae,  praeterquam  quod  cum  Dei  verbo  coniuncta  sunt  semper  (sine  cuius  nota  nullam  habere  possunt  sacramentorum  rationem,  quippe  qua  in  eum  finem  consignentur,  quasi  in  publicum  usum  principis  moneta  aut  cera  ipsius  sigillo),  hac  nimirum  sunt  na-