23:728  S.  Paul  monstre  la  quand  les  fideles  prenent  courage  de  s'avancer  avec  plus  grande  vehemence  et  desir  pour  servir  et  honorer  Dieu  :  que  voila  comme  ils  s'employent  a  charite:  voire  d'autant  qu'ils  savent  bien  que  leur  peine  ne  sera  point  perdue,  ainsi  qu'il  en  est  parle  en  l'Epistre  aux  Hebr.  Or  comment  le  savent-ils?  Par  le  tesmoignage  de  l'Evangile.  Et  en  l'Evangile  qu'est-ce  qui  y  est  dit?  Que  Dieu  nous  sera  propice,  d'autant  que  nous  croyrons  a  son  Fils  unique.  Car  la  iustice  qui  nous  est  la  offerte,  dit  sainct  Paul,  a  bien  tesmoignage  de  la  Loy:  mais  elle  n'est  pas  aidee  de  la  Loy,  c'est  a  dire,  par  toutes  les  oeuvres  que  nous  saurions  faire.  Mais  c'est  d'autant  que  nous  sommes  fondez  sur  la  grace  de  nostre  Seigneur  Iesus  Christ.  Ce  passage-la  donc,  nous  monstre  comme  les  fideles  se  peuvent  disposer  beaucoup  mieux  et  plus  ardemment  pour  servir  Dieu,  d'autant  qu'ils  savent  que  leur  labeur  sera  prise.  Et  cependant  toutesfois  ils  ne  laissent  pas  de  se  reposer  en  ceste  bonte  gratuite  qui  leur  est  promise,  d'autant  qu'ils  ont  leur  refuge  a  nostre  Seigneur  Iesus  Christ.  Et  voila  comme  les  Papistes  s'abusent  trop  lourdement.  Car  de  ce  mot  de  Salaire,  ils  tirent  le  mot  de  Merite  [pag.  192],  comme  s'ils  vouloyent  faire  une  alcumie.  Or  il  y  a  longue  distance  de  l'un  a  l'autre.  Car  qu'emporte  ce  mot  de  Merite?  C'est  que  Dieu  s'est  oblige  envers  nous,  que  nous  dirons,  I'ay  bien  merite  ceci  ou  cela,  i'en  suis  digne  :  et  celuy  qui  ne  recognoist  le  merite,  il  est  ingrat  s'il  ne  s'acquite  de  son  devoir  envers  celuy  auquel  il  est  tenu.  Si  donc  nous  pouvons  rien  meriter  envers  Dieu,  il  s'ensuyvroit  qu'il  seroit  tenu  a  nous  de  son  coste,  et  qu'il  nous  feroit  tort  quand  il  ne  nous  payeroit  point  de  ce  qu'il  nous  doit.  Or  il  est  vray  qu'il  se  fait  bien  nostre  debteur,  voire  et  un  debteur  volontaire:  car  il  ne  trouvera  rien  en  nous  pourquoy  il  nous  soit  oblige:  mais  par  ses  promesses  il  s'oblige.  Ainsi  donc,  de  son  coste  il  y  a  salaire,  lequel  il  nous  donne  gratuitement:  il  n'y  a  point  de  merite  du  nostre.  Car  c'est  sauter  du  coq  a  l'asne  de  venir  ainsi  de  l'un  a  l'autre,  et  conclure  que  c'est  tout  un  de  deux  mots,  ou  il  y  a  telle  diversite.  Ainsi  donc,  il  ne  se  faut  point  esbahir  si  les  Papistes  concluent  ainsi  leurs  argumens  a  toutes  heures,  et  qu'ils  se  tempestent  quand  on  dit  que  les  oeuvres  ne  nous  peuvent  iustifier.  Car  eux  ils  presupposent  une  chose  fausse,  c'est  assavoir,  que  si  Dieu  remunere  les  siens,  il  faut  qu'il  y  soit  tenu,  et  qu'il  y  ait  quelque  dignite  en  eux,  et  que  leurs  oeuvres  emportent  quelque  merite:  Car  cela  n'est  rien  du  [pag.  193]  tout.  La  raison  ie  Tay  monstree,  c'est  assavoir,  quand  Dieu  nous  a  promis  salaire,  ce  n'est  pas  d'autant  que  nous  en  soyons  dignes,  mais  c'est  pource  qu'il  luy  plait  d'adiouter  ainsi  grace  sur  grace,  et  le  tout  de  sa