9:727  I27  CONFESSIONES.  72S  qu'ayans  Iesus  Christ  pour  mediateur  et  advocat,  nous  avons  bien  de  quoy  nous  contenter.  Sur  quoy  ie  deteste  la  superstition  qui  a  este  controuvee  de  sadresser  aux  saincts  et  aux  sainctes  a  fin  de  les  avoir  pour  patrons  qui  intercedent  envers  Dieu.  Ie  confesse  que  tant  la  reigle  de  bien  vivre  que  l'instruction  de  la  foy  sont  contenues  en  l'Escripture  saincte,  voire  en  toute  perfection,  tellement  qu'il  n'est  licite  de  rien  adiouster  ne  diminuer.  Sur  quoy  ie  deteste  tout  ce  que  les  hommes  ont  dresse  de  leur  invention  propre,  tant  pour  en  faire  articles  de  foy  que  pour  obliger  les  consciences  a  leurs  loix  et  statuts.  Et  en  general  ie  reiette  toutes  les  facons  de  faire  qu'on  a  introduictes  pour  le  service  de  Dieu  s&ns  l'authorite  de  sa  parolle,  comme  sont  toutes  ies  ceremonies  de  la  Papaute.  Et  deteste  tout  le  ioug  tyrannique  dont  les  povres  ames  ont  este  oppressees:  comme  est  la  loy  de  se  confesser,  la  defense  du  mariage,  et  choses  semblables.  Ie  confesse  que  l'Eglise  doibt  estre  gouvernee  par  les  Pasteurs  qui  ont  la  charge  d'annoncer  la  parolle  de  Dieu,  et  administrer  les  Sacremens:  et  que  nul  no  s'y  doibt  ingerer  de  soy  mesme  sans  election  legitime,  pour  eviter  confusion:  et  que  si  ceulx  qui  sont  appelez  a  ceste  charge  ne  l'exercent  fidelement,  ils  en  doibvent  estre  deposez:  et  que  toute  leur  puissance  et  superiorite  est  de  conduire  ceulx  qui  leur  sont  commis  par  la  parolle  de  Dieu,  tellement  que  Iesus  Christ  demeure  tousiours  souverain  Pasteur  et  seul  maistre  de  son  Eglise,  et  qu'on  n'escoute  que  sa  voix.  Sur  quoy  ie  deteste  tout  l'estat  de  la  Papaute  qu'ilz  appellent  hierarchie,  comme  une  confusion  infernale  establie  en  despit  de  Dieu,  et  en  moquerie  et  opprobre  de  la  Chrestiente.  Ie  confesse  qu'oultre  la  predication,  a  cause  de  nostre  rudesse  et  infirmite,  nous  avons  besoing  des  Sacremens,  comme  de  seaux,  qui  soyent  pour  ratifier  les  promesses  de  Dieu  en  nos  coeurs:  et  qu'il  y  en  a  deux  qui  nous  ont  este  ordonnez  de  Iesus  Christ,  a  scavoir  le  Baptesme  et  la  Cene,  et  non  plus:  le  premier  pour  nous  donner  entree  en  l'Eglise,  le  second  pour  nous  y  entretenir.  Et  reiecte  les  cinq  Sacremens  que  les  Papistes  ont  forge  de  leur  teste.  Et  combien  que  les  Sacremens  nous  soyent  arres  pour  nous  asseurer  de  la  grace  de  Dieu:  toutesfois  ie  confesse  qu'ils  nous  seroyent  inutiles,  sinon  d'autant  que  le  sainct  Esprit  les  fait  valoir  comme  instrumens,  a  fin  que  nostre  fiance  ne  soit  nullement  distraicte  de  Dieu  pour  s'amuser  aux  creatures.  Et  mesme  ie  confesse  que  les  Sacremens  sont  depravez  et  corrompus  quand  on  ne  les  rapporte  point  a  ce  but  de  cercher  en  Iesus  Christ  tout  ce  qui  appartient  a  nostre  salut,  et  qu'on  les  applique  a  autre  usage  que  d'avoir  nostre  foy  du  tout  arrestee  en  luy.  Et  d'autant  que  la  promesse  d'adoption  s'estend  ja  la  race  des  fideles,  ie  confesse  que  les  petis  enfans