7:727  727  PETRI  VIRETI  CONFESSIO  DE  MINISTERIO  VERBI  ET  SACRAMENTORUM.  Quum  sola  fides  vera  sit  et  certa  Christianorum  scientia,  qua  ad  veram  rerum  divinarum  cognitionem  pervenire  et  veram  consequi  salutem  homines  possint,  testeturque  Paulus  ex  divini  sermonis  auditione  eam  oriri,  atque  hanc  porro  auditionem  ex  eiusdem  divini  sermonis  annunciatione,  minime  dubium  est  quin  huius  causa  ah  optimo  omnium  parente  Deo  institutum  sit  ecclesiae  ministerium,  cuius  quasi  paedagogia  et  magisterio  sese  ad  captum  demittens  humanae  imbecillitatis,  tanquam  pueros  omnium  rerum  divinarum  rudes  et  ignaros,  ad  earum  nos  manuduceret  cognitionem,  in  qua  omnis  nostra  vertitur  salus,  eiusque  nos  faceret  compotes.  Quapropter  hoc  totum  ministerium  contineri  circumscribique  voluit  divini  sermonis  annunciatione  et  sacramentorum  administratione.  Ergo  quum  Deus  huius  ministerii  autor  sit,  ipsum  fateor  esse  quidem  efficax,  non  autem  hominum  ministrorum  ratione  atque  opera,  aut  eorum  quae  ipsi  afferre  possunt,  sed  illius  solius  vi  atque  efficacia  qui  eius  est  autor,  et  eorum  effector  quae  vi  ipsius  numinis  perficiuntur,  qui  sui  spiritus  arcano  afflatu  corda  movet  ac  intus  perficit  quod  foris  externo  ministerio  nunciat  testatur  que,  idque  libere,  ubi,  quando,  per  quos  et  in  quibus  ipsius  bonitati  visum  fuerit,  suo  unius,  non  autem  ministrorum  arbitrio.  Non  est  igitur  quod  quis  talem  somniet  hic  statim  inter  Deum  et  hominem  nostrum  individuam  aliquam  connexionem  aut  societatem  et  adhaesionem,  perinde  ac  si  Deus  nihil  sine  ministri  opera  per  se  efficere  possit,  aut  quasi  suum  necessario  spiritum  in  os  inspiret  ministri,  dum  sacris  dat  operam,  ipsius  ministri  ore  in  auditorum  animos  vicissim  inspirandum  una  cum  ipsius  halitu  corporeaque  voce  et  verbo  externo,  aut  quasi  sua  inspectabili  et  divina  manu  in  aspectabilem  et  humanam  manum  sua  dona  effundat,  aliis  vicissim  a  ministro  distribuenda  et  impedienda,  sed  hoc  potius  Deum  per  se  efficere  re  vera  quod  illorum  denunciat  ministerio.  Atque  ideo,  tametsi  Deum  fallacem  esse  negemus  in  hoc  ministerio,  nullas  tamen  ei  leges  imponimus,