23:727  727  SERMONS.  728  quand  il  est  dit  que  Dieu  nous  recoit  a  merci,  d'autant  que  nous  sommes  pecheurs:  et  puis  quand  il  nous  a  regenerez  par  son  sainct  Esprit,  qu'il  approuve  le  bien  qu'il  a  mis  en  nous,  encores  que  ce  ne  soit  quasi  rien  au  pris  du  mal  qui  y  reste.  Quand  donc  nous  parlerons  ainsi,  c'est  autant  comme  si  nous  disions  qu'en  premier  lieu  Dieu  nous  est  pitoyable,  ne  nous  imputant  point  nos  fautes  et  pechez,  et  nous  adoptant  pour  ses  enfans,  nous  qui  estions  perdus  et  damnez.  Apres  en  second  lieu,  qu'il  iustifie  aussi  bien  nos  oeuvres,  d'autant  quil  use  de  misericorde,  qu'il  ne  veut  point  iuger  a  la  rigueur,  et  qu'il  ne  regarde  point  quelles  elles  sont  pour  estimer  leur  merite  ou  dignite.  Mais  il  en  use  comme  Pere.  Cela,  di-ie,  n'a  nulle  repugnance.  Et  ainsi  combien  que  nostre  Seigneur  Iesus  Christ  proteste  qu'il  soit  venu  pour  appeler  les  pecheurs,  et  non  pas  les  iustes,  combien  que  sainct  Paul  die  qu'il  soit  venu  pour  appeler  les  pecheurs  a  salut,  et  que  ce  n'est  point  selon  les  oeuvres  que  nous  avons  faites  que  l'heritage  des  cieux  nous  est  appreste,  mais  d'autant  que  Dieu  nous  est  humain,  d'autant  qu'il  a  vouln  desployer  sa  bonte  infinie  envers  nous:  toutesfois  si  est-ce  que  nous  ne  laissons  pas  de  recevoir  salaire:  c'est  a  dire,  quand  nous  aurons  servi  a  Dieu,  nous  serons  remunerez,  comme  tant  souvent  [pag.  190]  l'Escriture  en  parle.  Or  en  ceste  sorte  ces  deux  passages  qui  sembleront  estre  repugnans  n'ont  nulle  contrariete,  c'est  que  la  iustice  nous  est  reputee  par  la  foy,  et  que  la  iustice  a  este  reputee  a  Phinees  pour  le  zele  qu'il  a  eu  de  maintenir  l'honneur  de  Dieu  et  de  purger  le  sanctuaire  de  la  polution  en  laquelle  il  estoit.  Voila  Phinees  le  sacrificateur  qui  voit  un  acte  si  infame  et  si  detestable  que  rien  plus,  quand  une  paillarde  est  introduite  au  sanctuaire  pour  commettre  la  une  vilainie  qui  ne  se  devoit  ouir  en  Israel.  Or  Dieu  l'arme  tellement  qu'il  fait  execution  des  deux:  et  il  est  dit  que  cela  luy  est  repute  a  iustice.  Or  c'estoit  une  oeuvre  de  vertu:  il  sembleroit  donc  qu'il  n'est  point  iustifie  par  la  foy,  mais  comme  i'ay  dit,  ceci  se  peut  bien  assembler.  Car  Phinees  a  este  Fils  d\Abram,  il  a  donc  fallu  que  Dieu  l'ait  receu  a  merci  comme  les  autres.  Mais  d'autant  que  Dieu  luy  avoit  secouru,  et  d'autant  qu'il  s'estoit  reconcilie  a  luy  en  la  grace  qu'il  donnoit  a  tous  ses  eleus,  mesmes  sous  l'ancien  testament,  voila  comme  cest  oeuvre  est  tenu  pour  iuste  devant  Dieu.  Et  pourquoy?  D'autant  qu'il  y  avoit  encores  de  l'imperfection  et  debilite,  il  falloit  que  Dieu  le  supportast  comme  i'ay  desia  dit.  Ainsi  revenons  a  ce  que  dit  S.  Paul  au  premier  chap.  des  Colos,  c'est  que  nous  travaillans  vertueusement  pour  servir  a  Dieu  [pag.  191]  a  cause  de  l'Esperance,  laquelle  nous  est  reservee  au  ciel,  voire  de  laquelle  nous  avons  tesmoignage  en  l'Evangile.