9:726  Itaque  confiteor  omnem  nostram  iustitiam  qua  sumus  Deo  grati,  et  in  qua  una  oportet  nos  prorsus  acquiescere,  positam  esse  in  peccatorum  remissione,  quam  ipse  nobis  acquisivit,  nos  abluendo  sanguine  suo,  et  per  unicum  illud  sacrificium  quo  iram  Dei  in  nos  commotam  pacavit.  Et  intolerandam  eorum  superbiam  esse  dico  qui  sibi  vel  tantillum  meriti  tribuunt,  in  quo  vel  guttula  spei  salutis  resideat.  Interim  tamen  agnosco,  Iesum  Christum  non  modo  nos  iustificare,  tectis  omnibus  nostris  delictis  et  peccatis,  sed  etiam  suo  spiritu  nos  sanctificare:  adeo  ut  haec  duo  (nempe  obtinere  gratuitam  remissionem  peccatorum  et  formari  ad  sanctam  vitam)  a  se  mutuo  divelli  et  separari  non  possint.  Quoniam  tamen,  quoadusque  excedamus  ex  hoc  mundo,  multae  sordes  et  plurima  vitia  semper  in  nobis  remanent  (quo  fit  ut  aliqua  labe  infecta  sint  quaecunque  bona  opera  edimus  spiritus  sancti  virtute)  idcirco  nobis  semper  est  perfugiendum  ad  gratuitam  illam  iustitiam,  promanantenj  ex  obedientia  quam  nostro  nomine  praestitit  Iesus≫  Christus,  quoniam  in  nomine  ipsius  accepti  sumuB,  et  nostra  peccata  Deus  nobis  non  imputat.  Confiteor  nos  fieri  participes  J  esu  Christi  et  omnium  bonorum  ipsius  per  fidem  quam  habemus  evangelio,  quum  videlicet  vere  ac  certo  persuasi  sumus  promissiones  in  eo  comprehensas  ad  nos  pertinere.  Quoniam  autem  ea  res  superat  omnem  nostram  facultatem,  idcirco  agnosco  fidem  nobis  non  aliter  obtingere  quam  per  spiritum  Dei,  atque  adeo  donum  esse  peculiare  quod  datur  solis  electis,  quos  nimirum  Deus  ante  conditum  mundum,  nulla  dignitatis  aut  ullius  ipsorum  virtutis  habita  ratione,  gratis  ad  haereditatem  salutis  praedestinavit.  Confiteor  nos  iustificari  per  fidem,  quatenus  per  eam  apprehendimus  Iesum  Christum  mediatorem  nobis  datum  a  patre,  et  innitimur  promissionibus  evangelii,  quibus  testatur  Deus  nos  a  se  haberi  pro  iustis  et  puris  ab  omni  macula,  eo  quod  nostra  peccata  deleta  sint  sanguine  filii  ipsius.  Itaque  detestor  deliria  eorum  qui  nituntur  persuadere  iustitiam  essentialem  Dei  esse  in  nobis,  et  quibus  non  satisfacit  gratuita  imputatio,  in  qua  una  iubet  scriptura  ut  acquiescamus.  Confiteor  fidem  nobis  patefacere  aditum  ad  Dei  invocationem  (quem  etiam  precari  debeamus  cum  certa  fiducia  fore  ut  nos  exaudiat,  sicut  nobis  est  pollicitus)  eumque  honorem  ei  uni  deberi,  ut  primarium  sacrificium  quo  declaramus  nos  ei  accepta  omnia  referre.  Quamvis  autem  plane  indigni  simus  qui  nos  sistamus  coram  eius  maiestate,  tamen  si  Iesum  Christum  habemus  pro  mediatore  et  advocato,  46*