23:726  d'  Ur  de  Chaldee  pour  te  donner  ceste  terre,  a  fin  que  tu  la  possedes  en  heritage.  [pag.  187]  Nous  dismes  hier  que  Dieu  ayant  receu  les  fideles  en  sa  grace  recognoit  aussi  en  eux  ce  qu'il  y  met.  Car  par  la  foy  nous  recevons  le  S.  Esprit,  d'autant  que  Iesus  Christ  n'en  peut  estre  separe.  Il  faut  donc  que  nous  soyons  renouvellez  en  croyant  a  Dieu,  car  nous  apprehendons  sa  vertu,  laquelle  il  nous  offre  de  nous  communiquer  en  son  Fils.  Or  Dieu  ne  peut  pas  mespriser  ou  reietter  ses  dons:  il  faut  donc  qu'il  accepte  les  oeuvres  qu'il  nous  a  donnees,  non  point  qu'elles  en  soyent  dignes,  comme  il  a  desia  este  expose:  il  y  a  tousiours  quelque  vice  pour  les  corrompre,  tellement  qu'elles  ne  seroyent  dignes  d'estre  mises  ni  en  conte  ni  en  recepte.  Et  quand  Dieu  reprouveroit  tout  ce  bien  que  nous  pensons  et  voulons  faire,  nous  ne  pourrions  pas  l'accuser  de  cruaute.  Et  pourquoy?  Il  y  a  tousiours  a  redire:  mais  tant  y  a  qu'il  ne  laisse  point  encores  d'accepter  ce  qui  n'en  est  point  digne,  voire  d'autant  qu'il  nous  recognoit  pour  ses  enfans,  et  nous  supporte  ainsi  qu'il  le  dit  par  son  Prophete.  Si  donc  nous  demandons  la  cause  pourquoy  Dieu  approuve  l'affection  que  nous  avons  de  le  servir,  combien  qu'elle  soit  debile  :  c'est  pource  qu'il  nous  espargne,  et  qu'il  ne  veut  point  nous  avoir  atache,  comme  gens  mercenaires  [pag.  188],  gens  a  loage,  mais  il  se  contente  de  voir  que  nous  avons  une  affection  franche  et  liberale,  ainsi  qu'un  pere  ne  requerra  autre  chose  a  son  enfant.  Car  encores  que  l'enfant  ait  gaste  la  besongne,  tant  y  a  que  le  pere  ne  laissera  pas  de  se  resiouir  quand  il  voit  que  vrayement  il  a  voulu  bien  faire.  Ainsi  nostre  Seigneur  nous  portant  une  amour  paternelle,  oublie  tout  le  mal  qui  est  en  nos  oeuvres,  et  ne  le  veut  point  attirer  a  conte.  Voila,  di-ie,  en  somme  comme  outre  nos  personnes  nous  sommes  aussi  iustifiez  en  ce  que  nous  faisons,  c'est  a  dire,  Dieu  nous  tient  pour  iustes,  et  nos  oeuvres  pareillement.  Et  voila  d'ou  procede  ce  mot  de  Salaire  dont  il  est  tant  souvent  parle  en  l'Escriture:  car  non  seulement  en  la  Loy,  mais  aussi  en  l'Evangile  Dieu  declare  que  ceux  qui  le  serviront  fidelement  ne  perdront  point  leur  peine,  et  qu'ils  ne  seront  point  frustrez  de  leur  attente.  Et  pourquoy?  Ils  ont  leur  loyer  certain  qui  leur  est  reserve  au  ciel.  Et  comment  cela  se  peut-il  accorder  avec  ce  que  nous  avons  traitte?  C'est  que  si  nous  estions  reputez  iustes  par  nos  oeuvres,  que  la  foy  seroit  aneantie  et  les  promesses  seroyent  abolies,  comme  S.  Paul  en  parle.  Or  il  y  aura  bon  accord  quand  l'un  dependra  de  l'autre.  Et  si  nous  voulons  mettre  en  balance  nos  oeuvres  d'un  coste,  et  la  grace  de  Dieu  a  l'opposite,  il  est  certain  qu'il  y  aura  la  contrariete  [pag.  189].  Mais  46*