9:725  725  CONFESSIONES.  726  Ie  confesse  donc  que  toute  nostre  iustice,  par  laquelle  nous  sommes  aggreables  a  Dieu,  et  en  laquelle  il  nous  fault  du  tout  reposer,  gist  en  la  remission  des  pechez,  laquelle  il  nous  a  acquise  au  lavement  que  nous  avons  en  son  sang,  et  au  sacrifice  unicque  par  lequel  il  a  appaise  l'ire  de  Dieu  envers  nous.  Et  tien  pour  une  presomption  detestable  que  les  hommes  s'attribuent  aucun  merite,  pour  y  mettre  une  seule  goutte  de  la  fiance  de  leur  salut.I  e  confesse  cependant  que  Iesus  Christ  non  seulement  nous  iustifie,  en  couvrant  toutes  nos  faultes  et  iniquitez,  mais  nous  renouvelle  aussi  par  son  Esprit  :  et  que  ces  deux  choses  sont  inseparables,  d*obtenir  pardon  de  nos  pechez,  et  d'estre  reformez  en  saincte  vic.  Mais  pource  que,  iusqu'a  cc  que  nous  sortions  du  monde,  il  demeure  tousiours  beaucoup  de  povretez  et  vices  en  nousmesmes  (tellement  que  toutes  les  bonnes  oeuvres,  que  nous  faisons  par  l'aide  du  S.  Esprit,  sont  entachees  de  quelque  macule)  il  nous  fault  tousiours  avoir  nostre  refuge  a  la  iustice  gratuite  procedante  de  l'obeissance  que  Iesus  Christ  a  rendue  pour  nous,  d'autant  que  nous  sommes  acceptez  en  son  nom,  et  que  Dieu  ne  nous  impute  point  nos  pechez.  Ie  confesse  que  nous  sommes  faicts  participans  de  Iesus  Christ  et  de  tous  ses  biens  par  la  foy  de  l'Evangile,  quand  nous  sommes  asseurez  d'une  droicte  certitude  des  promesses  qui  sont  la  contenues.  Et  pource  que  cela  surmonte  toutes  nos  facultez,  que  nous  ne  la  pouvons  avoir  sinon  par  l'Esprit  de  Dieu:  mesme  que  c'est  un  don  special,  qui  n'est  communique  sinon  aux  esleus,  qui  ont  este  predestinez  devant  la  creation  du  monde  a  l'heritage  de  salut,  sans  aucun  esgard  de  leur  dignite  ne  vertu.  Ie  confesse  aussi  que  nous  hommes  iustifiez  par  la  foy,  entant  que  nous  acceptons  Iesus  Christ,  qui  nous  est  donne  du  Pere  pour  mediateur,  et  sommes  fondez  sur  les  promesses  de  l'Evangile,  par  lesquelles  Dieu  nous  testifie  qu'il  nous  tient  et  advoue  comme  ses  enfans,  pour  iustes  et  purs  de  toute  macule,  entant  que  nos  pechez  sont  effacez  par  le  sang  do  son  fils.  Sur  quoy  ie  deteste  les  resveries  de  ceulx  qui  veulent  faire  a  croire  que  la  iustice  essentielle  de  Dieu  est  en  nous,  ne  se  contentans  point  de  l'acceptation  gratuite,  a  la  quelle  seule  PEscripture  nous  commande  de  nous  arrester.  Ie  confesse  que  la  foy  nous  donne  ouverture  et  acces  pour  invoquer  Dieu:  et  que  nous  le  debvons  invoquer  avec  certitude  d'estre  exaucez,  selon  qu'il  nous  a  promis:  et  que  cest  honneur  luy  doibt  estre  reserve  a  luy  seul,  comme  le  sacrifice  souverain  par  lequel  nous  declarons  que  nous  tenons  tout  de  luy.  Et  combien  que  nous  ne  soyons  pas  dignes  de  nous  presenter  devant  sa  maieste,  toutesfois