23:725  725  SERMONS.  725  qu'elle  defaut,  en  cela  elle  iustifie.  Comment,  d'autant  qu'elle  defaut?  Ouy  bien:  car  comme  i'ay  dit,  il  n'est  point  question  qu'elle  face  rien,  qu'elle  ait  quelque  vigueur  de  soy-mesme,  mais  elle  recoit  simplement  ce  qui  est  donne  de  Dieu.  Ainsi  donc  quand  il  n'y  auroit  qu'une  petite  portion  de  foy  comme  une  estincelle  [pag.  185]  par  maniere  de  dire,  moyennant  que  nous  prenions  ceste  conclusion,  que  nous  n'ayons  nulle  vie  sinon  en  Iesus  Christ,  et  qu'il  en  a  la  plenitude  en  soy,  de  laquelle  nous  pouvons  puiser  et  estre  rassasiez,  il  est  certain  qu'il  suffit.  Ainsi  donc,  que  nous  apprenions  de  tellement  croire  a  nostre  Seigneur  Iesus  Christ,  que  quand  nous  aurons  des  doutes  en  nous,  toutesfois  ne  laissions  pas  de  nous  remettre  a  sa  misericorde  laquelle  ne  nous  peut  faillir,  et  d'y  avoir  tousiours  nostre  refuge,  sachans  bien  qu'il  y  a  perfection  de  iustice  en  luy,  et  qu'elle  y  est  telle  que  nous  en  serons  faits  participans,  voire  quand  nous  aurons  seulement  une  petite  goute  de  foy,  comme  S.  Paul  dit  au  huitieme  chap.  des  Rom.  qu'encores  que  nous  soyons  environnez,  voire  et  chargez  de  ceste  masse  de  corruption  et  de  peche  qui  est  en  nous,  laquelle  ne  tend  qu'a  mort,  moyennant  que  Iesus  Christ  soit  en  nous,  voila  la  vie,  c'est  a  dire,  que  ce  qui  est  de  reste  de  l'infirmite  et  de  corruption  de  nostre  chair  et  autres  choses  qui  pourroyent  empescher  nostre  salut,  le  tout  sera  aboli  par  l'Esprit  de  nostre  Seigneur  Iesus  Christ:  que  si  nous  en  avons  seulement  quelque  petite  portion,  il  ne  laissera  pas  de  nous  estre  pleine  vie.  PRIERE.  Or  nous-nous  prosternerons  devant  la  maieste  de  nostre  bon  Dieu,  en  cognoissance  de  [pag.  186]  nos  fautes,  le  priant  qu'il  luy  plaise  nous  faire  sentir  la  vertu  qu'il  a  mise  en  son  Fils  unique,  et  que  ce  soit  pour  nous  attirer  tellement  a  soy,  que  nous  y  adherions  du  tout.  Et  que  nous  apprenions  de  nous  recueillir  sous  la  fiance  qu'il  nous  en  donne,  que  nous  bataillions  contre  toute  infirmite,  et  cependant  aussi  que  toute  presumption  et  tout  orgueil  soit  abatu  en  nous,  et  qu'il  ne  reste  sinon  de  confesser  comme  il  est  iuste,  qu'ainsi  il  luy  apartient  d'espendre  sa  iustice  sur  nous,  a  fin  de  nous  faire  iouir  du  fruict  qui  en  procede,  c'est  assavoir,  de  l'heritage  de  la  vie  celeste.  Que  non  seulement  etc.  La  Fin.  QUATRIEME  SERMON  DE  LA  IUSTIFICATION.  Genese  Chap.  15.  6.  Abram  creut  a  Dieu,  et  luy  reputa  cela  a  iustice.  7.  Et  luy  dit,  ie  suis  V  Eternel  qui  fay  tire