7:724  Domini  ad  ipsius  facere  possemus  commemorationem  ?  Ad  quintam  hoc  adiicio,  quod  Christum  una  cum  spiritualibus  eius  donis  recipiant  qui  pie  utantur  et  rite  sacramentis.  Nemo  reiicit  hoc,  sic  tamen  ut  postea  ponitis,  ut  illa  perceptio  usui  non  sit  alligata,  quae,  quum  sit  solius  fidei,  neque  a  sacramentis  excludi  potest,  neque  ad  sacramenta  alligari  ete.  Mede  etiam  mox  quasi  per  explicationem  adiicitis,  ul  illic  nobis  offertur,  nempe  fide  et  spiritu  recipiendus  et  complectendus.  Et  hac  ratione  verax  est  Deus,  qui,  ut  nobis  in  verbo  promittit  et  in  sacramentis  significat  fructum  mortis  filii  sui  se  nobis  per  fidem  semper  exhibere  velle,  ita  praestat  eundem  fructum  omnibus,  sive  in  sacramento,  sive  extra  sacramentum,  fide  sumentibus.  Et  sic  vera  etiam  est  significatio  et  res  ipsa  signo  respondet,  sequente  apud  electos  effectu,  quum  videlicet  fruuntur  bonis  Christi  quae  ipsis  per  sacramenta  significata  fuerant.  In  sexta  explicatis  quomodo  dicatis,  per  sacramenta  nos  Christi  et  spiritualium  eius  donorum  fieri  participes,  quatenus  scilicet  non  ad  signa  nuda,  sed  potius  ad  promissionem  quae  illic  annexa  est,  respectum  habeamus.  Et  quae  sequuntur.  Promissionem  intelligo,  quod  quasi  visibiliter  nobis  loquitur,  se  ita  totum  nostrum  esse  velle  cum  omnibus  suis  bonis.  Per  sacramenta  ergo  nos  ad  se  invitat,  se  nobis  offert,  nos  manu  ducit  quasi  ad  redemptionem  nostram,  quam  si  fide  apprehendamus  iam  per  fidem  participes  nos  sui  facit,  et  omnium  spiritualium  suorum  donorum,  non  autem  per  sacramenta,  nisi  quatenus  per  illa  nos  ad  horum  donorum  perceptionem  invitat.  Nec  vos  aliter  intelligere,  coniicere  possum  maxime  octava  propositione  considerata.  In  nona  inter  alia  instrumenta  esse  dicitis  sacramenta  quibus  efficaciter,  ubi  visum  sit,  agat  Dominus  ete.  Concedo,  quatenus  instrumenta  significativa,  admoni-