23:724  nostre  coste  tant  plus  nous  faut-il  arrester  a  ce  que  nous  avons  dit,  c'est  assavoir,  que  nous  sommes  iustifiez  par  foy,  c'est  a  dire,  que  le  moyen  de  nous  rendre  agreables  a  Dieu  c'est  que  nous  donnions  ouverture  a  nostre  Sgr.  Iesus  et  qu'il  nous  applique  sa  iustice.  Voila  donc  comme  la  foy  est  le  seul  moyen  et  l'instrument  pa&  maniere  de  dire:  mais  Dieu  est  la  cause  et  l'autneur,  et  la  louange  aussi  appartient  a  nostre  Seigneur  [pag.  183]  Iesus  Christ,  qui  en  est  la  vraye  matiere.  Voila  donc  encores  ce  que  nous  avons  a  retenir.  Et  par  consequence  nous  voyons  aussi  que  c'est  une  cavillation  trop  sotte,  quand  les  Papistes  disent  que  la  foy  mesme  est  une  oeuvre,  et  que  si  nous  sommes  iustifiez  par  la  foy,  il  s'ensuit  que  les  oeuvres  ne  sont  point  exclues.  Ils  alleguent  ce  qui  est  dit  au  sixieme  chapitre  de  sainct  Iehan,  voici  l'oeuvre  que  Dieu  demande  que  vous  croyez  en  son  Filz  unique.  Or  la  Iesus  Christ  appele  la  foy  oeuvre,  comme  s'il  disoit,  voila  a  quoy  il  faut  travailler,  voila  a  quoy  il  faut  appliquer  son  estude:  il  n'est  pas  la  question  d'oeuvre  pour  meriter.  Et  au  reste,  quand  nous  aurions  confesse  que  la  foy  soit  oeuvre,  ce  qui  n'est  pas,  neantmoins  elle  ne  iustifie  pas  entant  que  c'est  une  oeuvre  que  nous  faisons:  car  si  ie  donne  aurnosne,  et  que  ie  pretende  de  meriter  envers  Dieu  par  cela,  voila  comme  ie  serois  iustifie  par  mes  oeuvres:  si  i'aide  a  mon  prochain,  que  ie  m'employe  de  subvenir  a  cestuyci  ou  cestuy-la  selon  qu'ils  en  auront  besoin,  voila  comme  ie  serois  iustifie  en  mes  oeuvres.  Or  il  y  a  une  raison  toute  contraire  en  la  foy:  car  en  confessant  qu'il  n'y  a  que  toute  malediction  en  nous,  et  que  par  la  foy  nous  allons  recevoir  ce  que  Dieu  nous  offre,  nous  ne  luy  apportons  rien  de  nostre  coste,  mais  nous  venons  a  luy  tous  vuides.  La  foy  donc  [pag.  184]  iustifie,  non  pas  en  apportant  aucune  dignite  ni  merite  a  Dieu,  mais  d'autant  que  Dieu  recoit  de  Iesus  Christ  ce  qui  luy  est  presente  en  nostre  nom.  Et  il  faut  que  ceste  confession  precede,  qu'il  n'y  a  rien  du  tout  en  ceux  qui  tienent  un  tel  train,  c'est  assavoir,  qui  vienent  demander  iustice  a  Dieu,  de  laquelle  ils  sont  en  tout  despourveus.  Ainsi  donc  nous  voyons  encores  en  cest  endroit  comme  les  Papistes  ne  font  que  caviller  sottement,  quand  ils  mettent  en  avant  que  nous  serions  iustifiez  par  quelque  oeuvre,  si  nous  estions  iustifiez  par  la  foy.  Or  la  foy  est  bien  un  sacrifice  agreable  a  Dieu,  d'autant  qu'il  en  est  honore,  et  que  nous  luy  rendons  louange,  que  luy  seul  est  iuste  et  bon:  mais  cependant  ce  n'est  point  en  vertu  de  cela  que  nous  sommes  iustifiez.  Or  en  somme  notons  que  quand  Dieu  nous  iustifie  par  le  moyen  de  la  foy,  en  ceste  iustice-la  est  enclose  la  grace  qu'il  nous  fait,  d'autant  qu'il  ferme  les  yeux  a  l'infirmite  qui  est  en  nostre  foy.  La  foy  donc  iustifie:  tellement  que  d'autant