7:723  723  IOANNIS  HALLER!  ANIMADVERSIONES  AD  IO.  CALVINI  CONFESSIONEM  MINISTRORUM  GENEVENSIUM  NOMINE  SYNODO  BERNENSI  OBLATAM.  In  prima  propositione  ponitis:  Quum  in  hunc  finem  sacramenta  Dominus  instituerit  ut  per  ea  gratiam  suam  nobis  testetur  atque  obsignet,  ut  vera  sint  gratiae  Dei  testimonia  et  sigilla,  vere  nobis  exhiberi  oportet  quod  figurant  Placet  hic  mihi  quod  dicitis,  vere  nobis  exhiberi  quod  figurant,  non,  vere  nobis  exhibere.  Colligo  enim  hinc  mentem  vestram  non  esse  hanc,  quod  sacramenta  vere  verum  corpus  Christi  exhibeant,  quasi  exhibendi  et  conferendi  instrumenta,  sed  quod  Dominus  nobis  per  spiritum  sanctum  fide  vere  exhibeat  quod  sacramenta  obsignant,  testantur  et  figurant,  nempe  vitam  habere  in  tradito  corpore  et  fuso  sanguine,  ablutionem  item  peccatorum  in  morte  Christi,  quotquot  credunt  in  eum.  Ita  sine  dubio  vere  exhibetur  fidelibus  omnibus  quod  sacramenta  figurant.  Nec  vos  aliter  intelligere  ex  posterioribus  colligo  propositionibus  quibus  gratiam,  sive  veram  Ulam  exhibitionem  earum  rerum  quae  sacramenta  figurant,  sacramentis  non  diligatis.  Quia  vero  multi  hactenus  nos  exhibitione  hac  vexarunt,  et  sub  ea  longe  aliam  statuerint  exhibitionem  quam  vos  statuere  sentiam,  visa  fuit  haec  propositio  dissimulanda  potius  quam  perperam  iudicantibus  proponenda.  Tertia  propositio  ut  est  vera,  ita  vos  iudico  etiam  sentire  de  fine  sacramentorum,  non  ut  vi  eorum  aut  per  illa,  tanquam  instrumenta,  Christo  potiamur,  sed  eatenus  quatenus  significant,  nobis  repraesentant,  obsignant,  imo  offerunt  etiam,  quasi  visibiliter,  Christum  bonorum  omnium  fontem,  ut  Ulum  fide  comprehendentes  beneficio  mortis  eius  reconciliemur  Deo,  spiritu  eius  renovemur  in  vitae  sanctitatem,  iustitiam  denique  et  salutem  consequamur.  In  quarta  nihil  desidero,  nam  idem  et  nos  docemus,  nec  etiam  abhorremus  ab  hac  loquutione,  quod  in  coena  primum  locum  obtineat  corpus  pro  nobis  crucifixum  et  sanguis  in  cruce  fusus  ete,  quod  scilicet  fidelem  et  spiritualem  attinet  considerationem  et  contemplationem.  Quomodo  enim  alias  sacramentalem  usum