23:723  723  SERMONS.  724  qui  est  dit  au  troisieme  chapitre  de  sainct  Iehan,  que  Dieu  a  tant  aime  le  monde,  qu'il  n'a  point  espargne  son  Fils  unique,  a  fin  que  quiconque  croira  en  luy,  ne  perisse  point,  mais  qu'il  passe  de  la  mort  a,  la  vie.  Voila  donc  comme  Dieu  seul  nous  iustifie  a  parler  proprement:  et  c'est  ce  que  dit  S.  Paul  au  cinquieme  chapitre  de  la  seconde  aux  Corinthiens,  Que  Dieu  est  apparu  en  Iesus  Christ,  se  reconciliant  le  monde  k  soy,  voire  n'imputant  point  les  pechez:  car  Iesus  Christ  qui  ne  savoit  que  c'estoit  de  peche,  a  este  fait  peche  pour  nous,  a  fin  que  nous  soyons  faicts  iustice  de  Dieu  en  luy  [pag.  181].  Voila  sainct  Paul  qui  monstre  tres  bien  en  premier  lieu  comme  Dieu  nous  iustifie,  c'est  qu'il  ne  nous  impute  point  nos  fautes.  Voila  pour  un  item,  quant  a  la  definition  du  mot.  Cependant  aussi  il  enseigne  que  c'est  le  propre  office  de  Dieu,  de  nous  iustifier.  Or  il  est  en  Iesus  Christ,  dit-il,  voire  reconciliant  le  monde  a  soy,  et  puis  il  est  nostre  iustice,  c'est  a  dire,  nous  sommes  approuvez  de  luy.  Or  comment  est-ce  que  la  foy  iustifie?  Voici  le  moyen:  car  si  nous  cerchons  la  cause  principale,  si  nous  cerchons  l'autheur  de  nostre  salut,  nous  ne  dirons  autre  chose  sinon  que  Dieu  nous  iustifie  par  sa  pure  bonte,  d'autant  qu'il  nous  recoit  a  merci,  et  qu'il  ne  nous  impute  point  nos  pechez,  mais  nous  les  pardonne.  Or  Iesus  Christ  nous  iustifie  aussi  bien  en  son  endroit:  car  il  est  la  vraye  matiere  de  nostre  iustice.  Ou  est-ce  donc  que  nous  la  cercherons  ?  Au  lavement  de  son  sang  qu'il  a  espandu  pour  nous  au  sacrifice  qu'il  a  offert  pour  recompense  de  nos  pechez,  en  ce  qu'il  a  rendu  une  obeissance  pleine,  tellement  que  toutes  nos  offenses  en  sont  ensevelies  et  effacees  en  ce  qu'il  s'est  sanctifie  pour  nous,  comme  il  est  dit  au  dixseptieme  chap.  de  S.  Iehan.  Voila  donc  Iesus  Christ  qui  nous  iustifie  en  son  degre.  Or  ce  que  la  foy  nous  iustifie,  n'est  point  a.  cause  de  vertu  qu'elle  ait,  ou  bien  pour  quelque  dignite  [pag.  182]  aussi  qu'elle  apporte.  Et  en  cela  les  Papistes  s'abusent:  car  ils  font  comparaison  entre  la  foy  et  les  oeuvres,  et  disent,  comment  est-ce  que  la  foy  iustifie  plustost  que  la  charite  ?  Car  charite  comme  dit  S.  Paul,  est  plus  grande  que  la  foy.  Il  est  vray  qu'ils  s'abusent  en  ce  passage:  mais  prenons  le  cas  que  la  charite  fust  plus  digne  que  la  foy.  Il  n'est  pas  question  de  tous  ces  menus  fatras:  car  quand  un  Roy  seroit  le  plus  grand  du  monde,  assavoir,  s'il  pourra  fouir  la  terre  aussi  bien  qu'un  laboureur  ou  un  vigneron?  Ainsi  est-il  de  la  foy,  car  elle  ne  nous  iustifie  pas,  comme  i'ay  dit,  pour  quelque  excellence  qu'elle  ait  en  soy,  mais  c'est  d'autant  qu'elle  emprunte  de  Iesus  Christ  ce  qui  nous  defaut.  Et  voila  pourquoy  S.  Paul  dit,  la  iustice  de  foy  renverse  et  abolit  toute  iustice  des  oeuvres  et  toute  gloire  humaine.  Ainsi  donc,  les  Papistes  en  cest  endroit  sont  trop  lourds  et  de