23:722  crites  se  sont  enyvrez,  voire  et  endurcis  contre  Dieu,  et  qu'ils  se  sont  fait  a  croire  monts  et  merveilles  en  toute  leur  vie,  le  diable  les  fait  bien  puis  apres  remuer,  quand  il  faut  venir  a  bon  escient  devant  le  Iuge.  Car  nous  voyons  comme  les  hommes  sont  estourdis,  et  cependant  que  Dieu  leur  donne  quelque  terme  ils  le  forgent  tel  que  bon  leur  semble,  et  le  transfigurent  a  leur  apetit:  mais  quand  il  faut  partir  de  ce  monde,  et  qu'il  se  faut  trouver  devant  le  siege  iudicial,  qui  est  mesme  terrible  et  redoute  des  Anges,  helas  !  que  peut  faire  une  creature  mortelle  en  cest  endroit?  Ainsi  donc,  quand  nous  parlons  de  ceste  certitude  de  foy,  il  n'est  pas  question  d'avoir  quelque  entree  en  l'Eglise  de  Dieu  tant  seulement,  mais  il  faut  que  nous  ayons  une  esperance  invincible  pour  bataiiler  contre  [pag.  179]  toutes  les  tentations  de  Satan,  et  sur  tout  quand  il  est  question  de  respondre  devant  Dieu,  que  nous  puissions  demourer  fermes  contre  tous  effrois,  que  nous  n'en  soyons  point  agitez.  Et  ainsi  ceste  doctrine  ne  gist  point  en  speculation,  mais  en  pratique.  Il  est  vray  qn'il  nous  faut  estre  enseignez  par  l'Escriture  saincte,  mais  iusqu'a  ce  que  Dieu  nous  ait  adiournez  a  bon  escient,  et  que  nos  consciences  soyent  la  astraintes  qu'il  faille  qu'elles  comparoissent  pour  ouir  la  sentence  du  Iuge  celeste.  Or  il  est  certain  que  nous  ne  ferons  que  nous  iouer  de  toute  ceste  dispute.  Mais  la  pratique  nous  enseignera  ce  que  i'ay  desia  dit,  c'est  assavoir,  qu'il  nous  faut  avoir  du  tout  nostre  refuge  a  la  grace  de  nostre  Seigneur  Iesus  Christ,  cognoissant  d'autant  qu'il  est  nostre  advocat,  que  Dieu  n'entrera  point  en  iugement  avec  nous.  Et  pourquoy?  Nous  sommes  absous,  non  point  selon  que  nostre  proces  le  porte,  mais  par  pure  abolition  de  toutes  nos  fautes  et  iniquitez.  Voila  donc  ce  que  nous  avons  encores  a  retenir  sur  ce  poinct.  Or  il  sembleroit  maintenant  que  nous  ne  peussions  avoir  pleine  iustice  si  elle  consistoit  en  la  foy:  car  la  foy  comme  nous  avons  dit,  sera  tousiours  debile  en  nous,  cependant  que  nous,  vivrons.  Et  comment  est-ce  donc  que  nous  obtiendrons  pleine  iustice  de  Dieu?  car  l'effet  [pag.  180]  ne  peut  surmonter  sa  cause.  Si  nous  n'avions  qu'un  demi  soleil,  nous  n'aurions  pas  tant  de  clarte  que  nous  avons:  il  faut  que  le  soleil  soit  plein,  a  fin  que  les  rayons  s'espandent  ca  et  la.  Quand  donc  la  foy  est  ainsi  debile  en  nous,  il  sembleroit  que  nous  ne  fussions  agreables  a  Dieu  qu'en  partie,  et  que  d'autre  coste  nous  fussions  reprouvez  de  luy:  mais  notons  que  la  foy  ne  nous  iustifie  point  de  sa  vertu:  et  voila  pourquoy  aussi  il  ne  faut  point  avoir  esgard  a  la  perfection  d'icelle,  pour  dire  que  nostre  salut  soit  parfait.  A  parler  proprement,  il  n'y  a  que  Dieu  seul  qui  nous  iustifie,  comme  nous  avons  allegue  le  passage  de  sainct  Paul  du  huitieme  chapitre  des  Romains.  Et  ce  iustifier-la,  c'est  co  46