23:721  721  SERMONS.  722*  Et  cependant  ils  cavillent  que  combien  que  nostre  Seigneur  Iesus  Christ  ait  obtenu  pardon,  tant  pour  la  coulpe  que  pour  la  peine,  neantmoins  cela  est  reserve:  combien  qu'ils  se  contredisent  manifestement.  Car  de  l'autre  coste  ils  disent  que  nostre  Seigneur  Iesus  Christ  n'a  merite  pour  nous  sinon  occasion  de  merite.  Or  comme  il  a  este  traitte  par  ci  devant,  ils  diront  bien  que  de  nature  nous  sommes  si  malins,  et  si  debordez  que  nous  ne  saurions  faire  aucun  bien  que  Dieu  accepte:  mais  ils  disent  que  quand  Iesus  Christ  marche  devant,  il  nous  donne  l'occasion  de  meriter,  et  c'est  le  premier  merite,  disent-ils,  en  sorte  qu'ils  ne  luy  donnent  que  quelque  petit  lopin,  et  quelque  petite  portion,  et  nous  avons  le  principal.  Or  si  ainsi  est  que  Iesus  Christ  nous  ait  seulement  merite  occasion  de  merite,  c'est  a  dire,  que  par  son  moyen  il  nous  faille  obtenir  paradis,  il  s'ensuit  que  tant  pour  la  peine  que  pour  la  coulpe  [pag.  177]  nous  serons  tousiours  redevables  a  Dieu.  Et  ainsi  c'est  une  abomination  trop  enorme  quand  les  Papistes  presument  de  s'acquiter  ainsi  envers  Dieu  par  leurs  satisfactions.  Et  puis  comme  un  mal  attire  l'autre,  ils  se  fourrent  en  un  labyrinthe  plus  profond  :  car  ils  voyent  bien  que  si  les  hommes  s'efforcoyent  cent  fois  plus  qu'ils  ne  peuvent,  neantmoins  encores  ne  pourront-ils  pas  contenter  Dieu  pour  toutes  leurs  offenses.  Pourquoy?  Nous  faillons  entant  de  sortes  que  c'est  un  horreur.  Et  qui  est-ce  qui  cognoistra  ses  fautes,  dit  David?  Ainsi  donc  quand  nous  travaillerons  beaucoup  pour  nos  satisfactions,  les  Papistes  sont  contraints  de  dire  que  nous  n'en  pourrons  point  venir  a  bout.  Mais  il  y  a  un  autre  tiers  erreur,  c'est  assavoir,  qu'il  y  a  des  indulgences,  des  graces,  des  pardons  de  pleniere  remission,  qui  sont  pour  effacer  les  offenses  de  ceux  qui  les  obtienent.  Et  encores  ce  ne  leur  est  pas  assez  d'avoir  telles  indulgences,  mais  voila  le  purgatoire  qui  est  comme  la  fin  et  l'accomplissement  de  tout,  tellement  qu'on  voit  qu'ils  sont  tellement  entortillez  en  erreur,  qu'ils  ne  s'en  peuvent  desveloper.  Car  depuis  qu'ils  se  sont  une  fois  forvoyez  de  la  pure  simplicite  de  l'Escriture  saincte,  le  diable  les  a  possedez  en  telle  sorte,  et  leur  a  baille  tant  de  filetz  et  de  licols,  qu'il  leur  est  impossible  de  s'en  [pag.  178]  desveloper.  Or  d'autant  plus  nous  fautil  estre  bien  attentifs  a  ceste  doctrine  par  laquelle  toutes  satisfactions  sont  exclues,  et  sommes  renvoyez  a  nostre  Seigneur  Iesus  Christ,  pour  trouver  en  luy  ce  qui  nous  defaut.  Et  au  reste,  notons  que  pour  bien  comprendre  que  c'est  d'estre  sauvez  par  la  pure  grace  de  Dieu,  et  que  la  foy  nous  soit  imputee  a  iustice,  il  nous  faut  venir  a  la  mort:  car  quand  les  Papistes  disputent  de  leur  merites,  de  leurs  satisfactions  et  indulgences,  ils  sont  la  a  deviser  et  a  iargonner  a  leur  aise:  mais  quand  les  hypo-  Calvini  opera.  Vol.  XXIII.