23:720  oeuvres  soyent  dignes,  mais  ils  apportent  une  convenance:  encores  qu'il  n'y  ait  point  une  dignite  parfaite,  disent-ils,  si  est-ce  qu'il  convient  que  Dieu  qui  est  iuste,  recoyve  ce  qu'ils  trouvent  bon.  Voire  mais  leur  iustice  les  aveugle  tellement  qu'ils  ne  cognoissent  point  leurs  vices,  comme  desia  nous  avons  dit:  mais  voici  la  seconde  tromperie  c'est  qu'ils  pensent  bien  avoir  la  faculte  de  se  pouvoir  aquitter  par  leurs  satisfactions.  Or  ie  laisse  maintenant  a  dire  quelles  sont  les  satisfactions  qu'ils  apportent,  car  il  n'y  a  que  toute  resverie,  et  ne  font  que  provoquer  Dieu  d'avantage,  quand  ils  le  veulent  payer  en  menus  fatras  et  ordures,  c'est  a  dire,  en  superstitions  qu'ils  ont  forgees  en  leur  cerveau:  mais  encores  quelle  satisfaction  pourroit-  on  trouver  pour  estre  delivrez  du  iugement  de  Dieu?  Car  une  offense  qu'emporte-elle?  nous  aurons  viole  la  iustice  de  Dieu:  et  puis  nous  en  ferons  un  payement  pour  une  portion,  voire  encores  sera  beaucoup  ce  nous  semblera.  Ne  faut-il  pas  qu'un  homme  soit  du  tout  possede  [pag.  175]  de  Satan  quand  il  se  leve  en  telle  outrecuidance?  Or  tant  y  a  que  c'est  la  plus  grande  partie  de  la  doctrine  de  la  Papaute  qu'il  faut  s'acquitter  envers  Dieu  quand  nous  aurons  failli.  Or  le  tout  procede  qu'il  leur  semble  qu'il  nous  faut  estre  iustifiez  par  ieurs  oeuvres:  et  voila  pourquoy  ils  disent  qu'il  n'y  a  que  coniecture,  car  ils  sont  bien  contraints  d'apercevoir  que  si  l'homme  s'examine,  il  se  trouvera  court  en  la  fin,  et  ne  pourra  pas  avoir  ce  qui  est  requis  pour  clorre  ses  contes  avec  Dieu,  et  pour  dire  ie  suis  quitte.  Mais  encores  outre  ceste  coniecture,  ils  ont  une  autre  folie  en  leur  teste,  c'est  si  nous  estions  certains  pour  auiourd'huy  que  Dieu  nous  tiene  en  sa  grace,  nous  ne  savons  que  c'est  du  lendemain.  Or  ils  ne  pensent  point  que  la  foy  emporte  esperance  quant  et  quant,  et  que  l'esperance  s'estend  et  en  la  vie  et  en  la  mort.  Et  mesmes  nous  voyons  apres  qu'il  y  a  encores  une  plus  lourde  faute,  c'est  qu'ils  ne  regardent  point  au  dernier  combat  de  la  mort,  duquel  il  sera  traitte  au  plaisir  de  Dieu.  Maintenant  poursuyvons  ce  que  nous  avons  commence,  c'est  qu'ils  cuident  satisfaire  a  Dieu  et  Pappaiser  quand  ils  luy  apportent  quelque  recompense  pour  les  offenses  et  iniquitez  qu'ils  ont  commises.  En  quoy  ils  despouillent  Iesus  Christ  de  son  honneur:  car  si  ainsi  estoit,  luy  seul  ne  suffiroit  point  pour  ce  qui  est  requis  a  nous  [pag.  176]  reconcilier  a  Dieu  son  Pere.  Or  ce  n'est  point  sans  cause  qu'il  est  appele  nostre  rancon:  car  il  s'est  constitue  pleige  pour  nous  a  telle  condition  qu'il  a  prins  nos  debtes  sur  soy,  et  en  a  fait  le  payement  plein  et  entier.  Quiconques  donc  maintenant  veut  payer  Dieu,  il  usurpe  l'office  de  Iesus  Christ  et  voila  un  abus  par  trop  execrable.  Or  les  Papistes  neantmoins  fondent  1&  leur  salut.