8:72  humanum  gradum  attolleret,  id  non  secus  ac  suis  viribus  subiectum  papistae  dum  aemulantur,  annon  et  mirificam  Christi  virtutem,  quantum  in  se  est,  obscurant,  et  obliterant  sacrum  illud  sigillum,  quo  approbata  erat  evangelii  veritas?  In  aliis  ieiuniis  facile  ostendimus,  quum  Deo  se  gratum  facere  homines  putarent,  crassum  idolis  cultum  ab  illis  exhibitum  fuisse.  Quod  praescripti  sunt  [pag.  93]  dies,  in  quorum  honorem  ieiunent,  perversae  superstitionis  scriptura  damnat.  Quod  in  eo  divinum  cultum  statuunt,  1)  et  opus  fingunt  meritorium  :  non  modo  stulta  est  ac  inanis  fiducia,  sed  mera  impietas.  Si  Paulum  sequimur  au  torem,  licebit  nobis  in  genere  pronunciare,  externa  eiusmodi  exercitia,  in  quibus  pietatis  summa  non  consistit,  modice  prodesse  (1  Tim.  4,  8).  Hoc  vero  dici  non  potest,  quin  praecisus  ille  qui  apud  papistas  regnat  exigendi  ieiunii  rigor,  iure  damnetur,  dum  necessaria  officia  negligere  permittunt.  Imo  ex  ore  ipsius  magistri  clamare  licet:  Hypocritae,  propter  vestras  traditiones  irrita  facitis  mandata  Dei  (Matth.  15,  3).2)  Nunc  quum  graviores  causae  nos  ad  loquendum  impellant,  repente  tamen  nos  gulae  et  omnis  intemperantiae  faciunt  patronos.  Quanquam  eorum,  quibuscum  nunc  discepto,  indigna  est  improbitas,  quibus  opponi  tam  iusta  debeat  et  seria  defensio.  Quam  enim,  obsecro,  suis  ieiuniis  legem  papa  edicit?  Ne  quis  ante  meridiem  cibum  gustet,  atque  ut  a  carnibus  abstineat:  ut  denique  solo  prandio  contentus,  coenam  eo  die  omittat.  Haec  porro  usitata  ratio  est,  ut  pridie  bene  saturi  cubitum  eant,  quo  magis  sit  tolerabilis  duarum  horarum  inedia,3)  ut  ipso  ieiunii  die,  quia  solum  illis  prandium  conceditur,  se  absque  modo  ingurgitent:  ut  postridie  libera  crapula  se  ulciscantur.  Postquam  adeo  secure  cum  Deo,  non  secus  ac  cum  puero  aliquo  luserunt,  hoc  quoque  addunt  ad  improbitatis  cumulum,  frugalem  vivendi  modum  penitus  a  nobis  solvi.  Ego  vero,  quum  tota  vita  sint  dissoluti,  nusquam  tamen  crassius  in  belluinam  intemperiem  quam  in  suis  ieiuniis  profluere  eos  dico.  De  coniugio  etiam  aliquid  dicendum  restat.  Pingunt  adversarii,  nos  mulierum  causa  quasi  Troianum  bellum  movisse.  Ut  alios  in  praesentia  omittam:  me  saltem  ab  hoc  probro  immunem  esse  concedant,  necesse  [pag.  94]  est.  Quo  mihi  ad  refellendam  eorum  putidam  garrulitatem  maior  suppetit  libertas.  Quum  semper  ad  ducendam  uxorem  sub  papae  tyrannide  liber  fuerim,  ex  quo  me  inde  eri-  1)  En  ce  qu'ils  dedient  les  iours  aux  Saincts,  il  y  a  double  mal  ete.  2)  Add.  Et  encor  tout  ceci  est  peu  au  regard  de  ce  que  i'ay  desia  touche  par  ci-devant:  c'est  qu'ils  constituent  leur  Chrestiente  et  salut  a  honorer  une  feste  en  iusnant.  3)  de  peur  que  le  lendemain  le  coeur  ne  leur  faille.