7:72  bauchee  et  scandaleuse.  Estant  adverty  de  cela,  ie  luy  fiz  remonstrer,  d'autant  qu'il  ne  m'eust  escoute  pour  lors,  qu'il  devoit  bien  penser  a  purger  sa  maison,  de  laquelle  il  avoit  la  charge,  s'il  pensoit  estre  contamine  des  fautes  de  ceux  qui  ne  luy  estoyent  point  commis  en  son  gouvernement.  Alors  il  s'advisa  de  sa  folie,,  et  print  cela  comme  un  chastiment  que  Dieu  luy  envoyoit,  pour  se  mocquer  de  sa  presumption.  Et  ainsi  se  reconcilia  tant  a  moy  qu'a  l'Eglise,  congnoissant  que  le  principal  est  de  penser  a  soy  et  a  sa  famille:  puis  apres  avoir  esgard  sur  les  autres,  non  pas  pour  nous  retirer  de  l'Eglise,  en  despit  d'eux,  quand  ilz  ne  seront  pas  telz  qu'ilz  doyvent  estre,  mais  pour  les  corriger  et  reduire,  si  nous  pouvons,  ou  bien  pour  les  faire  exclurre:  autrement  los  recommander  a  Dieu,  afin  qu'il  y  mette  ordre.  On  pourroit  repliquer,  que  sainct  Paul  en  la  mesme  epistre  reprent  aigrement  les  Corinthiens  (1  Cor.  5,  2),  de  ce  qu'en  leur  congregation  on  ne  punissoit  point  les  vices  par  excommunication:  et  mesme  defend  de  converser  avec  paillard,  ivrongne,  trompeurs,  idolatres  et  semblables.  A  cela  ie  respons  que  c'est  bien  un  vice  fort  reprehensible  en  une  Eglise,  qu'il  n'y  ait  pas  de  correction  sur  les  [page  48]  pechez.  Ie  dy  d'avantage,  que  nostre  Seigneur  pourra  bien  punir  tout  un  peuple  a  cause  de  ce  seul  deffaut.  Et  pourtant  que  nulle  Eglise,  n'ayant  encor  la  discipline  d'excommunication  ne  se  flatte,  comme  si  c'estoit  une  petite  faute  ou  legiere  de  n'en  point  user  au  besoing:  mais  plustost  que  chacune  advise  en  son  endroit  de  la  dresser  et  mettre  en  estat.  Semblablement  que  chacun  particulier  s'y  employe,  et  y  ayde  de  tout  son  pouvoir.  Mais  ce  n'est  pas  a  dire,  qu'un  particulier  ait  iuste  cause  de  s'aliener  de  l'Eglise,  toutes  foys  et  quantes  que  les  choses  n'iront  pas  a  son  desir.  Car  il  est  a  noter  que  ceste  police  n'est  pas  en  la  puissance  d'un  membre,  mais  se  doit  exercer  par  le  consentement  de  tout  le  corps.  Pourtant  sainct  Paul  ne  s'adresse  pas  specialement  a,  chacun  pour  luy  imputer  ceste  faute,  mais  Timpute  a  tout  le  corps.  La  somme  est,  que  touchant  la  communion  de  l'Eglise,  nous  mettions  peine  que  tous  membres  pourris  ou  infectz  l)  de  maladie  contagieuse,  c'est  a  dire,  tous  ceux  qui  sont  d'une  vie  scandaleuse,  en  soyent  retranchez.  Mais  considerons  ce  qui  est  en  nous:  et  quand  nous  avons  faict  ce  qui  estoit  de  nostre  devoir  et  office,  si  nous  ne  pouvons  obtenir  ce  que  nous  voudrions  bien,  et  ce  qui  seroit  a  desirer,  recommandons  [page  49]  le  reste  a  Dieu:  qu'il  y  vueille  mettre  la  main,  comme  c'est  son  oeuvre.  Cependant,  combien  qu'a  bon  droit  nous  soyons  marris,  1)  infectez  1566  ss.