54:72  nous  dignes  que  Dieu  nous  accepte  pour  ses  enfans?  En  quelle  audace  viendrons-nous  devant  luy?  Avons  nous  dignite  ni  excellence  qui  nous  rende  agreables  devant  sa  maieste?  Helas,  il  n'y  a  rien  de  tout  cela:  mais  au  contraire,  il  faut  que  Dieu  soit  nostre  iuge,  iusques  a  tant  que  nostre  Seigneur  Iesus  ait  satisfait  pour  nous,  et  qu'il  nous  ait  lavez  do  nos  ordures.  Et  ainsi  doncques  tant  s'en  faut  que  nous  puissions  mettre  nostre  fiance  en  Dieu,  devant  qu'avoir  cognu  Iesus  Christ,  que  nous  l'aurons  tousiours  en  horreur:  toutesfois  et  quantes  qu'on  nous  parlera  de  Dieu  nous  serons  espouvantez  de  sa  maieste,  que  nous  voudrions  qu'elle  fust  aneantie  du  tout,  ou  que  nous  fussions  aux  abysmes,  et  au  profond  d'enfer.  Voila  ce  qui  sera  tousiours  aux  hommes,  iusques  a  ce  que  Iesus  Christ  se  soit  manifeste  a  eux.  Car  alors  nous  apprenons  de  sentir  que  Dieu  nous  est  favorable:  et  combien  que  nous  soyons  miserables  creatures,  neantmoins  ii  nous  recoit  a  merci:  car  il  n'a  point  d'esgard  a  nous,  il  fait  valoir  la  mort  et  passion  que  son  Fils  a  enduree.  Voila  doncques  comme  il  nous  faut  commencer  par  Iesus  Christ,  si  nous  voulons  avoir  entree  a  la  foy.  Autant  en  est-il  d'invoquer  Dieu.  Car  si  nous  n'avons  Iesus  Christ  pour  Advocat,  et  qu'il  intercede  pour  nous,  et  qu'il  nous  face  obtenir  faveur  afin  que  nous  impetrions  de  Dieu  ce  que  nous  luy  demandons,  que  serace?  Il  est  certain  que  nous  serons  tousiours  repoussez.  Mais  quand  Iesus  Christ  nous  ouvre  la  porte,  qu'il  nous  monstre  le  chemin,  mesmes  qu'il  fait  office  d'Advocat,  alors  nous  pouvons  prier  Dieu  hardiment,  et  sans  aucun  scrupule.  Autant  en  est-il  de  la  charite.  Car  comment  sommes-nous  amenez  a  ceste  union  fraternelle  que  nous  devons  avoir  avec  tous  hommes,  sinon  d'autant  que  Iesus  Christ  est  le  lien  de  nostre  paix,  et  que  nous  sommes  tous  conioints  en  luy,  que  nous  sommes  membres  de  son  corps,  et  que  luy  estant  nostre  Chef  veut  que  nous  vivions  en  concorde:  et  puis  d'avantage,  que  nous  soyons  gouvernez  par  son  sainct  Esprit?  Voila  (di-ie)  comme  la  charite  ne  se  pourra  iamais  apprendre,  si  ce  n'est  qu'on  ait  cognu  Iesus  Christ,  Car  sans  luy  nous  sommes  en  dissipation:  et  ne  se  faut  point  esbahir  si  nous  sommes  comme  chiens  et  chats,  si  tout  est  plein  de  haine.  Car  iusques  a  tant  que  nous  ayons  apprins  de  nous  aimer,  nous  ne  pourrons  pas  estre  enfans  de  Dieu,  nous  ne  pourrons  avoir  ne  part  ne  portion  en  nostre  Seigneur  Iesus  Christ.  Voila  pourquoy  sainct  Paul  a  dit  que  la  foy  et  la  charite  sont  en  Iesus  Christ.  Or  maintenant  nous  voyons  que  tous  ceux  qui  sont  destournez  de  la  pure  doctrine  de  salut,  n'ont  nulle  excuse.  Car  ils  sont  advertis  suffisamment:  et  le  diable  les  possede,  d'autant  qu'ils  s'addonnent  a  luy  de  leur  bon  gre.  Auiourd'huy  on  en  verra  beaucoup  qui  s��