51:72  la  source  (comme  ce  matin  nous  avons  declare),  que  s'il  n'y  avoit  ambition  aux  hommes,  et  qu'ils  ne  se  voulussent  faire  valoir,  il  est  certain  qu'il  y  auroit  autre  modestie  qu'on  n'y  void  pas,  et  sobriete:  mais  d'autant  que  chacun  est  enfle  de  presomption,  voila  qui  est  cause  que  nous  appetons  quelque  superiorite  pardessus  tous,  et  cerchons  occasion  de  les  fouler  au  pied,  ou  bien  d'avoir  telle  apparence  qu'ils  soyent  comme  inferieurs  a  nous.  De  corriger  donc  ces  exces  quand  nous  appetons  ainsi  a  reprendre  et  a  mordre,  il  est  impossible,  sinon  qu'en  premier  lieu  les  hommes  soyent  purgez  de  ceste  folle  cupidite  qu'ils  ont  d'estre  prisez,  et  d'estre  comme  en  degre  superieur.  Or  il  est  vray  qu'on  parlera  assez  d'humilite:  mais  il  y  en  a  bien  peu  qui  entendent  que  veut  dire  ce  mot  et  ce  qu'il  emporte.  Tant  y  a  que  sainct  Paul  nous  monstre  ici  quelle  est  la  vraye  humilite,  c'est  a  scavoir  que  les  hommes  soyent  du  tout  aneantis,  et  qu'ils  cognoissent  qu'ils  ne  valent  rien  du  tout:  car  alors  vrayement  ils  seront  abatus.  Quand  on  parle  d'humilite  en  langage  commun,  cela  s'entend  comme  une  feintise:  car  chacun  dira  bien  par  honnestete  qu'il  n'est  rien:  mais  cependant  les  hommes  ne  laissent  pas  de  crever  de  ce  venin  d'orgueil  comme  crapaux.  Or  sainct  Paul  nous  enseigne  bien  ici  une  autre  lecon,  c'est  a  scavoir  qu'il  nous  faut  abolir  toute  opinion  que  nous  avons  de  nostre  sagesse  et  de  toutes  les  vertus  que  nous  pouvons  imaginer:  car  il  est  dit  ici  en  un  mot  que  nous  devons  penser  que  nous  ne  sommes  rien.  Et  de  faict  ceste  sentence  qui  est  ici  couchee  se  doit  ainsi  resoudre.  Puis  que  les  hommes  ne  sont  rien  du  tout,  ceux  qui  presument  de  leurs  vertus,  et  qui  s'y  glorifient,  se  trompent  a  leur  escient.  Ainsi  prenons  ceste