49:72  factionibus  redimere  docent:  a  qua  Paulus  argumentum  petit  ad  gratuitum  iustitiae  donum  asserendum.  Quomodo  enim  illis  cum  Paulo  conveniet?  Aiunt  illi,  operibus  satisfaciendum  Dei  iustitiae,  quo  peccatorum  veniam  impetremus.  Contra  hic  ratiocinatur,  iustitiam  fidei  gratuitam  esse  ac  sine  operibus,  quoniam  a  peccatorum  remissione  pendeat.  Vitiosa  certe  esset  ratiocinatio,  si  qua  in  remissione  peccatorum  opera  intercederent.  Nec  minus  iisdem  prophetae  verbis  ineptiae  Scholasticorum  dissipantur  de  dimidia  remissione.  Culpa  remissa,  poenam  retineri  a  Deo  nugantur:  propheta  autem  clamat,  non  tecta  modo  peccata  esse,  hoc  ess,  in  conspectu  Dei  sublata:  sed  etiam  addit,  non  imputari.  Quomodo  conveniat,  Deum  poenam  eorum  exposcere  quae  non  imputet?  Manet  ergo  salva  nobis  pulcherrima  sententia,  iustificari  fide,  qui  gratuita  peccatorum  remissione  coram  Deo  purgatus  sit.  Praeterea  hinc  gratuitae  iustitiae  perpetua  in  totam  vitam  duratio  colligi  potest.  Nam  quum  David,  diuturno  conscientiae  suae  cruciatu  fatigatus,  in  hanc  vocem  erumpat,  de  experientia  certe  sua  loquitur.  Atqui  iam  per  annos  complures  Deum  coluerat.  Ergo  post  magnos  progressus  tandem  expertus  miseros  esse  omnes  qui  ad  Dei  tribunal  vocantur:  non  aliam  obtinendae  beatitudinis  viam  esse  clamat  quam  si  Dominus  nos  in  gratiam  recipiat,  peccata  non  imputando.  Ita  probe  refellitur  eorum  commentum,  qui  fidei  iustitiam  non  nisi  initiale  esse  nugantur,  ut  deinde  fideles  operibus  possessionem  iustitiae  retineant,  quam  nullis  meritis  adepti  sunt.  Quod  autem  opera  interdum  dicuntur  in  iustitiam  imputari,  et  aliae  quoque  beatitudines  recensentur,  nihil  de  Pauli  sententia  detrahit.  Refert  Psalmus  (106,  30),  imputatum  esse  Phinees  sacerdoti  Domini  in  iustitiam,  quod,  sumpto  de  scortatore  et  meretrice  supplicio,  vindicarit  opprobrium  Israelis.  Nempe  hominem  audimus  facinus  iustum  edidisse:  sed  uno  facto  personam  non  iustificari  scimus.  Requiritur  enim  perfecta  et  numeris  suis  omnibus  consummata  obedientia,  ut  sonat  promissio:  Qui  fecerit  haec,  vivet  in  ipsis.  Quomodo  ergo  imputatur  illi  haec  ultio  in  iustitiam  ?  Certe  iustificatum  prius  esse  Dei  gratia  oportuit.  Qui  enim  iam  Christi  iustitia  sunt  induti,  ii  non  sibi  modo  propitium  habent  Deum,  sed  operibus  quoque  suis:  quorum  maculae  et  naevi  Christi  puritate  obteguntur  ne  in  rationem  veniant:  unde  nullis  sordibus  infecta  opera  iusta  reputantur:  non  aliter  quam  eiusmodi  indulgentia  placere  Deo  quodlibet  humanum  opus  palam  est.  Quod  si  fidei  iustitia  unica  causa  est  cigr  iusta  opera  habeantur  :  vide  quam  insulse  arguant,  quia  iustitia  operibus  tribuatur,  non  solius  esse  fidei  iustitiam.  Ego  autem  invictum  argumentum  oppono  contra,  iniustitiae  damnatum  iri  opera  omnia,  nisi  sola  fide  homo  iustificetur.  Simile  est  de  beatitudine:  pronuntiantur  beati  qui  timent  Dominum,  qui  ambulant