42:72  sage,  que  les  fideles  seront  secourus,  voire  non  point  par  grande  force,  comme  il  est  dit  aussi  notamment  au  prophete  Osee,  que  Dieu  ne  delivrera  pas  les  siens,  ni  par  gens-d'armes,  ni  par  espees,  ni  par  chevaux,  ni  par  force  de  guerre,  mais  en  son  nom,  et  en  sa  vertu,  il  faloit  donc  que  les  fideles  conneussent  cela,  et  combien  que  Mathatias  n'eust  point  l'office  de  la  souveraine  sacrificature,  que  puis  qu'il  estoit  appele  de  Dieu  en  cet  endroit  pour  les  secourir,  ils  ne  feissent  point  de  dificulto  de  le  suivre,  et  autant  en  faut-il  faire  maintenant.  Il  est  vray  que  nos  ennemis  nous  mesprisent  orgueilleusement,  et  se  mocquent  de  nous,  voire,  et  qui  sont  ceux  ici?  ils  demandent  en  premier  lieu,  et  vos  prescheurs  de  qui  sont-ils  consacres?  Il  leur  semble  que  ce  soit  trop  desroguer,  et  que  nous  n'avons  point  autorite  d'enseigner  en  l'Eglise  de  Dieu,  sinon  que  nous  aions  eu  les  doigts  gresses,  et  ce  soufflet  qu'ils  donnent,  et  pourquoy  faire?  car  quand  ils  ordonnent  leurs  prestrailles  en  la  papaute,  c'est  pour  sacrifier  a  Dieu,  c'est  a  dire,  pour  estre  bourreaux  de  Iesus  Christ,  il  leur  semble  que  nous  ne  pouvons  estre  capables  d'annoncer  l'Evangile,  sinon  que  nous  soions  semblables  a  eux,  car  la  prestrise  de  la  papaute  n'est  autre  chose,  sinon  d'estre  bourreau  de  Iesus  Christ,  voire  pour  le  meurtrir,  entant  qu'en  eux  est:  il  est  vray  qu'il  n'est  pas  en  leur  puissance,  mais  autant  de  messes  qu'on  chante,  ce  sont  autant  de  protestations  qu'ils  meurtrissent  Iesus  Christ,  le  fils  de  Dieu,  car  s'ils  le  sacrifient  (comme  ils  disent)  il  faut  qu'il  soit  mis  a  mort  par  eux,  car  comme  dit  S.  Paul,  le  sacrifice  ne  se  faisoit  pas  qu'il  n'y  eust  effusion  de  sang,  et  mort.  Il  semble  donc  aux  papistes  que  nous  ne  soions  pas  dignes  de  prescher  l'Evangile,  a  cause  que  nous  n'avons  point  este  bourreaux  de  la  mort  de  nostre  Seigneur  Iesus  Christ,  comme  eux,  et  puis  ils  veulent  qu'il  y  ait  une  grande  pompe,  et  belle  apparence:  or  tout  cela  ne  se  trouvera  point  en  nous,  mais  quoy?  nous  avons  ici  une  approbation  que  Dieu  nous  donne,  par  laquelle  il  suffist  que  nous  pouvons  bien  maintenir  la  querelle  de  sa  verite,  sachans  aussi  qu'il  nous  maintiendra,  encores  que  nous  soions  un  petit  troupeau  de  brebis  et  d'agneaux,  voire,  et  nous  maintiendra  avec  une  petite  aide  qui  aura  plus  de  force  et  de  vertu,  que  toute  la  grande  apparence  de  nos  adversaires,  encores  qu'ils  soient  enfles  comme  crapaux,  et  qu'ils  pensent  bien  avoir  le  meilleur  par  devers  eux,  si  est-ce  que  Dieu  declare  que  nous  sommes  siens,  qu'il  nous  advoue,  et  acceptera  ce  que  nous  faisons.  Ainsi  donc  voici  une  belle  consolation  qu'ont  tous  les  Ministres  de  la  parole  de  Dieu,  combien  qu'ils  soient  petits  et  foibles  quant  au  monde,  neantmoins  Dieu  les  accepte:  et  au  contraire,  il  reiette  et  deteste  toutes  ces  bestes  cornues,  et  ceux