35:72  visions  du  temps  passe  pour  confermer  nostre  foy,  sachans  qu'elles  sont  venues  de  ceste  source-la:  et  cependant  que  nous  cheminions  en  la  simplicite  en  laquelle  Dieu  nous  veut  tenir.  Voila  pour  un  Ttem.  Or  pour  le  second,  cognoissons  la  bonte  de  Dieu,  d'autant  qu'apres  nous  avoir  donne  sa  parole  par  escrit,  et  suscite  gens  qui  nous  l'exposent,  encores  il  nous  touche,  il  nous  solicite  la  dedans  par  son  sainct  Esprit,  il  nous  donne  des  remords  et  des  inspirations.  Cognoissons  donc  le  soin  qu'il  a  de  nostre  salut,  quand  en  toutes  sortes  il  nous  attire  si  doucement  a  soy.  Voila  ce  que  nous  avons  en  somme  a  recueillir  de  ce  passage.  Or  quand  Eliu  adiouste,  Que  Dieu  seelle  son  instruction  aux  hommes  en  les  chastiant  de  sa  main,  c'est  un  article  bien  memorable:  car  il  nous  est  ici  monstre  qu'il  faut  que  Dieu  parle  a  nous  avec  coups  de  poing,  comme  on  dit.  Et  pourquoy?  Il  nous  fait  ceste  grace  de  nous  convier  doucement  par  sa  parole:  apres,  voyant  que  ceste  douceur  ne  profite  pas,  il  use  de  plus  grande  vehemence  pour  nous  donter:  car  il  nous  redargue  de  nos  pechez,  il  fait  la  un  effroy,  il  nous  adiourne  a  son  iugement,  afin  que  nous  advisions  de  nous  retenir,  afin  que  nous  soyons  comme  abbatus  sous  luy,  pour  confesser  nos  povretez,  pour  luy  en  demander  pardon,  pour  gemir,  afin  qu'il  nous  purge  de  nos  fautes.  Or  Dieu  a-il  use  de  ces  moyens-la,  assavoir  a-il  tasche  de  nous  amener  a  luy  par  douceur  et  par  rudesse  de  paroles?  nous  demeurons  tousiours  tels  que  nous  estions,  nous  sommes  comme  obstinez  en  nostre  durete.  Il  faut  donc  qu'il  leve  sa  main  forte,  et  qu'il  rue  sur  nous,  qu'il  frappe  comme  d'un  marteau  sur  une  enclume,  voyant  que  nous  sommes  ainsi  endurcis,  et  que  sa  parole  n'entre  point  en  nos  oreilles.  Voila  ce  qu'Eliu  a  voulu  dire.  Vray  est  qu'il  a  dit  cy  dessus,  que  Dieu  ouvre  Vaureilie  des  hommes  (voire,  car  nous  savons  bien  que  Dieu  besongne  d'une  vertu  secrete  en  nous,  quand  il  nous  envoye  ces  inspirations  desquelles  il  a  este  parle)  mais  il  adiouste  ceci  maintenant  pource  que  nous  voudrions  bien  estre  tellement  eslourdis,  qu'il  ne  fust  question  que  de  nous  donner  du  bon  temps.  Nous  voyons  comme  les  hommes  fuyent,  entant  qu'en  eux  est,  la  presence  de  Dieu,  qu'ils  ne  demandent  sinon  s'esgarer  en  toutes  vanitez.  Or  Dieu  donc  ouvre  nos  oreilles,  quand  il  nous  touche  tellement,  que  nous  sommes  contraints  de  penser  a  nous.  Un  brigand  mesmes  qui  sera  endurci  en  son  mal,  et  qui  voudroit  que  toute  memoire  de  iustice  fust  abolie,  ne  laissera  pas  cependant  d'avoir  des  pointes  et  des  remords  qui  l'aiguillonneront.  Et  d'ou  vient  cela?  C'est  que  Dieu  luy  a  ouvert  les  aureilles.  Mais  notons  qu'il  y  a  double  ouverture  d'aureilles  que  Dieu  fait  en  nous  :