33:72  Or  cependant  notons  que  Satan  parle  ici  en  verite,  combien  qu'il  soit  le  pere  de  mensonge,  quand  il  dit,  que  Dieu  a  este  comme  un  rempar  a  Iob  j  et  qu'il  a  muni  sa  maison  de  tous  costez,  et  qu'il  Va  fait  prosperer.  Voila  comme  il  se  transfigure  en  Ange  de  lumiere,  car  aussi  estant  devant  Dieu,  il  faut  bien  qu'il  desguise  les  choses:  car  la  il  n'auroit  point  lieu  d'user  de^  telles  tromperies,  comme  il  en  use  envers  les  hommes  pour  les  decevoir.  Ainsi  Satan  prend  des  principes  qui  sont  vrais,  mais  c'est  pour  les  appliquer  a  mal:  car  il  ne  demande  que  la  perdition  de  Iob.  Or  il  dit,  que  Dieu  luy  a  este  un  rempar.  Cognoissons  donc,  que  si  nous  sommes  maintenus  en  ce  monde,  ii  faut  que  Dieu  y  mette  la  main:  car  quelle  est  nostre  vie,  et  a  combien  de  povretez  est  elle  subiette?  Nous  ne  pourrions  donc  consister  une  minute  de  temps,  si  nous  n'estions  conservez  par  la  grace  de  Dieu.  Autant  en  est-il  de  tout  ce  que  nous  possedons,  qu'il  faut  que  Dieu  nous  munisse.  Et  de  fait  qui  est-ce  qui  parle  ici?  Satan,  lequel  luy  mesme  nous  viendroit  abysmer,  et  en  nous,  et  en  nos  personnes,  si  nous  n'estions  comme  bien  emmuraillez,  que  Dieu  nous  "  servist  de  rempar,  comme  aussi  nous  le  verrons  en  la  procedure  du  texte.  Car  si  tost  que  Satan  a  son  conge,  nous  voyons  comme  il  racle  tout  le  bien  de  Iob,  et  en  quelle  impetuosite  il  y  va.  Auparavant  donc  il  falloit  que  Iob  fust  muni  de  la  grace  de  Dieu,  et  qu'elle  lui  servist  de  rempar  tout  a  l'environ.  Or  ceste  doctrine  nous  est  bien  utile:  car  nous  sommes  admonnestez  par  cela  de  prier  Dieu,  veu  qu'estans  en  ce  monde,  nous  sommes  comme  en  une  forest  pleine  de  brigands,  qu'il  luy  plaise  de  nous  garder.  Et  voila  pourquoy  aussi  en  l'Escriture  ces  titres  ici  luy  sont  attribuez,  qu'il  est  nostre  bouclier  et  escusson,  il  est  muraille  et  fosse,  et  rempar,  et  bastillon,  et  tour,  et  forteresses.  Pourquoy  est-ce  que  l'escriture  use  de  tant  de  mots  pour  signifier  que  vaut  la  protection  de  Dieu?  et  c'est  afin  que  nous  soyons  enseignez,  que  sans  luy  nous  peririons  cent  mille  fois  le  iour,  qu'il  faut  qu'il  veille  incessamment  sur  nostre  salut.  Voila  donc  comme  i'ay  dit,  qu'il  est  besoin  que  les  hommes  cognoissent  que  leur  vie  n'est  rien,  qu'elle  est  tant  fragile  que  rien  plus,  qu'elle  est  subiette  a  une  infinite  de  morts,  d'autant  que  par  cela  ils  sont  sollicitez  de  prier  Dieu  qu'il  les  recoive  en  sa  garde:  et  quand  ils  auront  vescu  un  iour:  il  faut  qu'ils  cognoissent  que  Dieu  les  -a  maintenus,  et  qu'ils  luy  attribuent  la  louange  du  tout.  Voila  ce  que  nous  avons  a  observer  de  ce  passage.  Or  si  Satan  qui  est  ennemi  de  toute  verite  confesse  que  c'est  Dieu  qui  est  rempar  aux  hommes,  et  est  contraint  de  parler  ainsi,  comme  estant  a  la  torture:  puis  que  Dieu  nous  fait  gouster  sa  vertu,  et  nous  la  fait  sentir,