31:72  beneficia:  quibus  testatur  bonitatem  suam  communiter  piis  omnibus  semper  expositam  fore,  ideoque  additur  ratio  laetitiae,  quia  Dominus  eos  proteget.  Nam  quoties  uni  ex  fidelibus  se  beneficum  ostendit,  statuere  debent  (ut  diximus)  eundem  erga  se  fore.  Porro  docet  hic  locus,  non  aliunde  quam  ex  Dei  praesidio  nasci  verum  gaudium:  quia  licet  mille  mortibus  simus  expositi,  abunde  nobis  sufficere  hoc  debet,  protegi  nos  Dei  manu.  Sed  hoc  fiet  si  nos  inanes  mundi  umbrae  non  decipiant,  ut  sub  illis  delitescamus.  Hoc  etiam  notandum  est,  quod  in  Deo  sperantes  dicit  nomen  eius  diligere.  Nec  enim  fieri  potest  quin  suavis  sit  Dei  memoria,  nosque  solide  oblectet:  imo  rapiat  in  amorem  sui  postquam  ipse  nobis  suae  bonitatis  gustum  praebuit.  Sicuti  rursum  omnes  increduli  sepultum  vellent  Dei  nomen,  eiusque  memoriam  cum  horrore  fugiunt.  13.  (Quia  tu  benedices.)  Confirmat  superiorem  sententiam,  quod  scilicet  ex  sua  persona  commune  documentum  fidei  sumpturi  sint  omnes  Dei  servi,  quia  ab  uno  exemplo  iudicium  de  perpetua  erga  omnes  pios  gratia  fieri  velit.  Atque  iterum  admonet  non  aliud  esse  legitimum  gaudium,  nisi  quod  ex  sensu  paternae  Dei  benevolentiae  concipitur.  Benedicendi  verbum  Hebraeis  (quuin  de  hominibus  fit  sermo)  bene  precari  significat:  quum  vero  ad  Deum  refertur,  tantundem  valet  ac  bene  fortunare  (ut  loquuntur)  vel  bonis  omnibus  cumulare.  Nam  quia  efficax  est  favor  Dei,  benedictio  eius  bonorum  omnium  affluentiam  ex  se  producit.  Nomen  iusti,  non  ad  unum  hominem  restringitur,  sed  indefinite  omnes  Dei  cultores  significat.  Caeterum,  iustos  vocat  scriptura,  non  qui  tales  operum  meritis  censentur,  sed  qui  ad  iustitiam  aspirant:  quia  postquam  Dominus  eos  favore  suo  complexus  est  peccata  non  imputando,  rectum  studium  pro  iustitiae  perfectione  illis  fert  acceptum.  Eodem  pertinet  quod  sequitur,  Goronabis  eos  gratuito  favore  vel  beneplacito  tanquam  scuto:  intelligit  enim  probe  fore  undique  munitos  fideles:  quia  nulla  ex  parte  illis  deerit  gratia,  quae  et  invictum  est  propugnaculum,  et  certam  secum  salutem  affert.  Quanquam  autem  coronandi  verbum  quo  utitur,  saepe  ornatum  vel  decus  Hebraeis  notat:  quia  tamen  additur  similitudo  scuti,  non  dubito  quin  metaphorice  pro  munire  vel  circumdare  sumatur.  Sensus  ergo  est,  quantumvis  magna  et  varia  pericula  iustos  obsideant,  Deo  tamen  propitio  salvos  foro.