27:72  c'est  a  Dieu  seul  qu'appartient  toute  la  gloire,  et  la  louange  de  nostre  salut:  et  que  cependant  il  nous  suffise  qu'il  soit  nostre,  et  que  s'estant  donne  a  nous,  qu'il  nous  veut  aussi  communiquer  tous  ses  biens.  LE  PREMIER  SERMON  SUR  LE  CHAP.  XI.  (X.  22)  V.  1.4.  DU  MERCREDI  IS��  DE  SEPTEMBRE  1555.  Nous  avons  declaire  ci  dessus  l'intention  de  Moyse:  c'est  assavoir,  qu'en  recitant  les  miracles  que  Dieu  avoit  faits  pour  delivrer  son  peuple  hors  de  captivite,  par  cela  il  monstre,  que  d'autant  plus  les  Iuifs  devoyent  estre  confermez  en  sa  grace,  et  en  ceste  amour  qu'il  leur  avoit  monstre  de  tout  temps.  Car  Dieu  a  tousiours  declaire  par  effect  que  ce  n'est  point  en  vain  qu'il  avoit  promis  a  son  serviteur  Abraham,  de  ie  tenir,  avec  toute  sa  race,  sous  sa  protection.  Voila  donc  un  tesmoignage  evident,  que  Dieu  ayant  receu  en  son  amour  gratuite  les  enfans  d'Abraham,  leur  a  ratifie  cela  par  effect,  et  par  experience.  Or  de  la  il  faut  conclurre,  que  si  le  peuple  n'eust  este  du  tout  pervers,  il  devoit  bien  servir  a  Dieu.  Et  c'est  a  quoy  Moyse  a  pretendu.  Advisez  (dit-il)  si  vous  n'estes  point  tenus  pour  le  moins  de  vous  adonner  pleinement  a  l'obeissance  de  vostre  Dieu?  Car  il  vous  a  multiplie  comme  les  estoilles  du  cielf  vous  estes  par  sa  grace  un  si  grand  nombre,  que  vous  en  devez  estre  es*  bahis:  brief  quant!  vous  regarderez  a  vostre  corps,  c'est  a  dire  a  tout  vostre  estat,  vous  devez  estre  contraints  de  contempler  une  grace  admirable  de  vostre  Dieu,  et  que  iamais  vous  n'eussiez  attendue,  ni  esperee.  Puis  qu'ainsi  est,  il  n'y  a  nulle  excuse,  si  maintenant  vous  ne  pensez  a  glorifier  son  nom,  puis  qu'ainsi  est  qu'il  s'est  monstre  si  bon,  et  si  pitoyable  envers  vous.  Voila  donc  la  somme  de  ce  que  Moyse  a  ici  pretendu.  Or  notamment  il  parle  des  estoilles  du  ciel,  a  cause  de  la  promesse.  Car  Dieu  parlant  a  son  serviteur  Abraham,  luy  monstra  en  vision  la  multitude  des  estoilles  qui  est  infinie:  Ainsi  que  tu  n'y  vois  point  de  conte  (dit-il)  ainsi  sera  ta  semence.  Moyse  donc  en  ce  passage  signifie  que  Dieu  n'avoit  point  ainsi  parle  en  vain,  et  qu'Abraham  n'a  pas  este  frustre  en  sa  foy,  quand  il  s'est  appuye  du  tout  sur  ceste  promesse,  d'autant  que  nous  voyons  la  chose  accomplie  a  l'oeil.  Or  ceci  est  bien  a  noter  :  car  si  Dieu  nous  fait  du  bien,  il  est  vray  que  par  acquit  nous  dirons  que  c'est  luy  qui  l'a  fait:  mais  que  nous  en  soyons  bien  persuadez,  c'est  une  chose  difficile.  Il  est  donc  besoin,  a  cause  d'une  telle  rudesse,  que  nous  soyons  condam-