26:72  point  permis  a  luy:  c'est  assavoir,  que  le  peuple  passe  le  Iordain,  et  qu'il  occupe  toute  la  terre  de  Canaan.  Mais  en  premier  lieu  il  luy  propose  les  victoires  que  le  peuple  a  eu  contre  Og  roy  de  Basan,  et  contre  le  roy  d'Hesebon.  Tu  as  veu,  dit-il,  comme  ton  Dieu  a  fait  a  ces  deux  Bois  ici.  Il  ne  dit  pas:  Ainsi  que  vous  avez  fait  a  ces  deux  rois.  Car  (comme  il  a  este  declare)  il  n'est  point  question  ici  de  flatter  les  hommes,  de  leur  chatouiller  les  aureilles:  car  ils  ne  sont  que  par  trop  enclins  a  usurper  plus  qu'il  ne  leur  appartient.  Quand  donc  les  hommes  de  nature  sont  ainsi  addonnez  a  presomption,  sachons  qu'ils  ont  besoin  d'estre  mattez,  qu'on  leur  oste  tout  orgueil  et  hautesse,  afin  qu'ils  cognoissent  qu'ils  n'ont  rien  qui  leur  soit  propre.  Mais  cela  ne  se  peut  faire,  qu'on  ne  leur  monstre,  que  ce  qu'ils  ont,  ils  le  tiennent  de  la  pure  grace  de  Dieu.  Voila  pourquoy  Moyse  notamment  dit:  Tu  as  veu,  dit-il,  a  V  oeil  ce  que  ton  Dieu  a  fait  a  ces  deux  rois.  Comme  s'il  disoit:  Si  vous  ne  cognoissez  la  vertu  que  Dieu  vous  a  monstree:  a  quoy  tient-il?  Elle  n'est  point  obscure  de  soy,  la  chose  est  toute  visible  et  patente:  il  faut  donc  que  vostre  ingratitude  et  malice  vous  empesche,  et  qu'elle  vous  aveugle.  Et  ainsi,  selon  que  Dieu  vous  a  fait  sentir,  comme  a  veue  d'oeil,  sa  bonte:  que  vous  en  ayez  la  memoire  tousiours.  Mais  notons  que  Moyse  non  seulement  exhorte  a  la  personne  de  Iosue  tout  le  peuple,  a  rendre  graces  a  Dieu,  et  le  louer  du  bien  qu'il  a  receu  desia  :  mais  aussi  il  luy  veut  donner  courage  pour  le  temps  avenir,  afin  qu'il  ne  doute  point  que  Dieu  ne  parface  ce  qu'il  a  commence.  Et  le  fil  de  son  propos  le  monstre  assez:  Tu  as  veu  comme  tan  Dieu  fa  secouru  et  aide  contre  ces  deux  Bois:  autant  en  feras-tu  a  tous  les  royaumes  par  lesquels  tu  passeras.  Comme  s'il  disoit:  Vous  avez  veu  desia  assez  d'experiences  de  la  bonte  de  Dieu  :  vous  ne  pouvez  donc  pas  vous  desfier  de  luy,  sans  estre  par  trop  ingrats:  car  il  vous  a  monstre  quelle  est  sa  puissance:  elle  n'est  point  pour  une  bouffee  seulement:  il  vous  a  declare  qu'il  estoit  fidele  en  ses  promesses.  Or  vous  savez  ce  que  il  a  promis  a  vos  peres:  attendez  donc  qu'il  accomplisse  envers  vous  ce  que  vos  peres  ont  espere,  et  soyez  constans  en  cela.  Ne  pensez  point  que  vostre  Dieu  se  lasse  a  vous  bien  faire,  et  que  par  cours  et  succession  de  temps  il  ne  puisse  venir  a  bout  de  ce  qu'il  a  commence,  non:  mais  estendez  vostre  fiance  iusques  au  bout,  et  sachez  que  Dieu  aussi  continuera  sa  bonte  et  sa  vertu  envers  vous.  Nous  voyons  donc  maintenant  l'intention  de  Moyse:  mais  pource  que  les  difficultez  estoyent  grandes,  notamment  il  dit:  Ne  craignez  point:  et  dit  a  Iosue:  Tu  ne  craindras  point.  En  quoy  il  monstre,  qu'il  ne  nous  faut  point  mesurer  la  grace  de  Dieu  selon  nostre  apprehension.  Car  quand  les