22:72  ceulx  qui  nous  enseignent  ce  quilz  ont  prins  de  sa  parolle.  Des  traditions  humaines.  Comme  ainsi  soit  que  nous  ayons  une  sentence  generale  de  Sainct  Paul,  cest  a  scavoir  que  toutes  choses  soient  faictes  aux  Eglises  decentement  et  par  ordre,  il  ne  fault  pas  nombrer  entre  les  traditions  humaines  les  observations  civiles  par  lesquelles,  comme  par  quelques  liens,  en  lassemblee  des  chrestians  lordre  et  honestete  consiste  ou  la  paix  et  concorde  soit  retenue.  Mais  plustost  il  les  fault  refferer  a  celle  reigle  de  lapostre,  pourveu  quon  ne  les  pense  estre  necessayres  a  salut,  ne  quelles  lient  par  religion  les  consciences,  ne  quelles  soient  rapportees  au  service  de  Dieu,  ne  quon  mecte  aucune  piete  en  icelles.  Mais  il  fault  grandement  et  virilement  resister  a  celles,  lesquelles,  comme  estant  necessaires  a  servir  et  honorer  Dieu,  sont  faictes  soubz  le  nom  de  loix  spirituelles  pour  lier  les  consciences,  car  elles  ne  destruissent  pas  seulement  la  liberte,  laquelle  Christ  nous  a  acquis,  mais  elles  obscurcissent  aussi  la  vraye  religion  et  violent  la  maieste  de  Dieu,  qui  veult  seul  regner  par  sa  parolle  en  noz  consciences.  Cecy  doncques  soit  ferme  et  arreste  que  toutes  choses  sont  nostres,  mais  que  nous  sommes  a  Christ  (1  Corinth.  3)  et  que  Dieu  est  servi  en  vain  la  ou  sont  enseignees  les  doctrines  qui  sont  commandemens  des  hommes  (Math.  15).  De  exconununication.  Excommunication  est  par  laquelle  les  manifestes  paillars,  adulteres,  larrons,  homicides,  avaricieulx,  ravisseurs,  iniques,  noyseux,  gormans,  yvrognes,  seditieux  et  prodigues,  silz  ne  se  amendent  apres  avoir  este  admonestez,  sont  selon  le  commandement  de  Dieu  reiectez  de  la  compagnie  des  fideles,  non  pas  que  lEglise  les  deiecte  en  perpetuelle  ruine  et  desespoir,  mais  elle  condamne  leur  vie  et  leurs  meurs,  et  silz  ne  sadmendent  elle  les  faict  desia  certains  de  leur  damnation.  Or  ceste  discipline  est  necessaire  entre  les  fideles,  pourtant  que,  veu  que  lEglise  est  le  corps  de  Christ,  elle  ne  doibt  pas  estre  pollue  et  contaminee  par  telz  membres  punais  et  pourriz,  12،ئ)  lesquelz  tournent  a  deshonneur  au  chef:  davantage,  affin  que  les  sainctz  ne  soient  (comme  il  est  accoustume  dadvenir)  corrumpuz  et  gastez  121)  par  la  conversation  des  meschans.  Aussi  120)  punais  et  pourriz  .  foetidis.  121)  et  gastez  om.