21:72  escrits,  la  mesme  annee  il  mit  en  lumiere  son  commentaire  sur  PEspitre  a  Tite,  et  sur  l'Epistre  aux  Hebrieux.  L'an  1550,  au  mois  d'Aoust,  un  prince  et  avec  luy  certains  [d  2]  seigneurs  du  pays  de  France  revenans  de  Rome  passerent  par  Geneve,  et  ouirent  tout  au  long  un  sermon  de  Calvin,  qui  lors  avoit  un  fort  beau  texte  au  51.  chapitre  de  Ieremie,  verset  38:  Secheresse  sera  sur  les  eaues  de  Babylone:  car  c'est  la  terre  des  images  taillees,  et  se  glorifient  en  superstitions:  lequel  il  deduisit  d'une  grande  grace,  vehemence  et  simplicite,  a  sa  maniere  accoustumee,  sans  ostentation.  Si  tous  ceux  qui  l'ouirent  alors  en  eussent  fait  leur  proffit,  les  choses  iroyent  mieux  et  plus  paisiblement  qu'elles  ne  font.  Dieu  leur  face  la  grace  d'y  penser  plustost  tard  que  iamais.  Le  mesme  an,  ayant  acheve  de  prescher  Ieremie,  il  print  les  Lamentations  du  mesme  Prophete  pour  les  sermons  ordinaires  de  sa  sepmaine.  Ce  qu'ayant  despesche,  il  commenca  Michee  le  12  de  Novembre.  Au  reste  il  exposoit  en  l'escole  le  livre  de  Genese,  ayant  acheve  le  Prophete  Isaie:  et  les  vendredis  en  la  Congregation  estoit  expose  l'Evangile  selon  sainct  Iean.  Ceste  annee-la  aussi  fut  imprime  son  Commentaire  sur  les  Epistres  aux  Thessaloniciens,  Item  ce  beau  livre  intitule  Des  scandales,  ou  il  monstre  que  rien  ne  nous  doit  destourner  de  nous  ranger  a  Iesus  Christ  et  a  son  Evangile,  et  d'y  perseverer  iusques  a  la  fin  selon  nostre  vocation:  et  que  ceux  qui  font  autrement,  c'est  par  faute  de  vouloir  bien  cognoistre  Iesus  Christ.  Environ  l'an  1551,  fut  mis  en  lumiere  pour  la  premiere  edition,  le  Commentaire  sur  Isaie,  recueilli  soigneusement  des  lecons  et  sermons  dudit  Calvin  par  M.  Nicolas  des  Gallars,  lors  Ministre  de  ceste  Eglise.  Item,  il  fit  imprimer  son  Commentaire  sur  les  Epistres  Canoniques  qu'on  appelle.  Quant  a  ses  sermons  ordinaires  de  sa  sepmaine,  il  prescha  quatre  des  petis  Prophetes,  commencant  Sophonie  le  6  de  Fevrier:  Osee,  le  second  d'Avril:  Ioel,  le  5  de  Septembre:  Amos,  le  28  d'Octobre.  Ceste  anneela  il  receut  une  grande  affliction  des  nouvelles  de  la  mort  de  Bucer,  qui  deceda  en  Angleterre.  Audit  *)  an  vint  en  ceste  ville  un  certain,  nomme  Ierosme  Boisec,  un  peu  auparavant  Carme  de  Paris,  et  puis  soudain  devenu  de  Theologien,  medecin  ou  plustost  Triacleur:  lequel  pour  se  faire  valoir,  pensant  estre  arrive  en  son  Cloistre  et  non  en  une  Eglise  de  Dieu,  de  laquelle  il  n'avoit  iamais  rien  sceu  que  par  ouir  dire,  commenca  [d  3]  a  tenir  par  ci  par  la  et  aussi  en  pleine  Congregation,  mauvais  propos  touchant  la  doctrine  de  la  Providence  et  Predestination  eternelle  de  Dieu.  Contre  lequel  1)  Premiere  redaction  p.  5.