20:72  3986.  CALVINUS  FRIDERICO  ELECTORI  PALATINO.  Dedicatio  Praelectionum  in  Ieremiam.  (Ex  editione  principe  Genev.  ap.  Io.  Crispinum  1563  fol,}  Illustrissimo  Principi  ac  Domino  D.  Friderico  Palatino  Rheni  ac  sacri  Romani  Imperii  Electori  ete.  Domino  suo  clementissimo  Ioannes  Calvinus  plurimam  salutem  precatur.  Quum  a  viris  probis  et  idoneis  testibus  celebrarentur  heroicae  tuae  virtutes,  Princeps  illustrissime,  inprimis  singularis  pietas,  par  fovendae  propagandaeque  verae  religionis  studium  et  aequabilis  in  tota  vita  moderatio:  humanitas  vero,  qualis  vel  in  homine  privato  vix  reperiri  posset,  non  tantum  ex  aliorum  relatu  cognita,  sed  proprio  experimento  mihi  perspecta  foret,  pridem  optavi,  quia  mihi  privata  qua  te  colebam  observantia  non  satisfaciebat,  eam  publico  monumento  ad  posteros  testatam  facere.  Id  novit  generosus  D.  Ebhrardus*  Comes  ab  Erpach,  quem  hac  de  re  consului.  *)  Nunc  vero,  ut  hoc  officio  defungar,  non  tantum  oblata  mihi  videtur  iusta  occasio,  sed  imposita  quaedam  necessitas.  Nam  quia  sanam  et  orthodoxam  de  sacra  Christi  coena  doctrinam,  quam  reverenter  amplexus  eras,  in  tua  ditione  libere  et  cordate  asserere  non  dubitasti,  perinde  contra  te  insaniunt  turbulenti  et  importuni  homines  ac  si  totam  Germaniam  labefactasses.  Cum  suis  ergo  tumultuosis  clamoribus  ad  tuam  Celsitudinem  oppugnandam  prosiliunt,  et  quia  autoritate  et  potentia  nequeunt��  temeritate  et  protervia  instructi  maledicta  evomere  non  dubitant,  quorum  sobrios  homines  pudet  :  neque  id  modo,  sed  quia  te  occidere  non  est  in  eorum  manu,  putidos  de  morte  tua  rumores2)  confingunt,  quasi  scilicet  ad  solem  obscurandum  sufficeret  muscarum  conspiratio.  Ac  tu  quidem,  illustrissime  Princeps,  constanter  pro  animi  tui  magnitudine,  et  pro  honoris  gradu  in  quo  te  Deus  locavit,  tuto  eorum  stoliditatem  despicis.  Verum  quando  in  te  lacessendo  adeo  ^ferventer  satagunt,  simulque  ad  te  invidia  gravandum  nomen  meum  admiscent,  mei  quoque  officii  esse  duxi  ad  refutandas  eorum  calumnias  quod  tam  odiosum  esse  volunt  nomen  clypei  loco  opponere.  Nam  certe  indigni  sunt  quorum  causa  vel  minimum  digitum  tollat,  vel  etiam  verbulum  proferat  tua  Celsitudo.  Mihi  quidem,  si  de  eorum  3986.1)  Talis  epistola  non  exstat.  Cf.  tamen  #.3992,  not.  K  2)  N.  3943.