15:72  Collegam7)  admonui  ut  scriberet.  Spero  eum  facturum.  Hic8)  habet  aliqua  tecum  conferre.  Si  idoneus  inveniatur,  prudens  et  pius,  citra  metum  speramus  successum  favente  Christo  qui  totum  negotium  dirigat.  Collega,  ut  dicitur,  non  multo  prudentior  rediit  quam  accesserat.  Summa:  pacem  volumus,  bellum  male  coeptum:  cuius  priores  progressus  pessimum  habuerunt  exitum.  Confertur  omnibus  iussis  et  mandatis  Christi  a  quibus  abstinendum  veluti  a  tam  iniquo  bello.9)  Sed  sunt  omnia  in  manu  Domini  qui  opus  suum  perficiet.  Orbanum  negotium10)  videtur  in  meliore  spe  esse.  Fieret  facile,  nisi  tanta  laboraremus  invidia.  Si  vinctus  vellet  amicis  et  fratribus  nuncium  remittere,  omnia  bene  haberent,  nunc  omnia  perdit,  dum  salutem  curat,  idque  cum  fructu  omnium:  sed  qui  faventem  habet  Christum  omnia  facile  potest  contemnere.  Anglia  fertur  rursus  missam  amandasse.  Hispanos  bis  mille  caesos  et  reginam  nubere  viro  primario  inter  Anglos:11)  sed  vix  credo  tam  impiam  sobolem  posse  ad  meliora  trahi.  Quod  scribit  Bullingerus  conari  a  Lasco  utinam  tandem  perficiatur:  nam  audio  a  Dano  male  exceptos  ex  Anglia  profugos  pios  idque  ratione  episco.12)  qui  verbo  Luteri  arrodunt.  Deus  omnia  componat  et  tibi  plus  quietis  et  pacis  largiatur,  ut  plenius  incumbas  sacris  tractandis.  Tale  quam  optime.  Christus  faxit  ut  diutius  ac  plenius  ecclesiis  servias.  Omnes  te  salutant.  Iube  quaeso  omnes  salvos  esse.  Neocomi  8.  Martii  1554.  Tuus  totus  Farellus.  1924.  GARNERIUS  CALVINO  FARELLO  ET  VIRETO.  Narrat  quid  nuper  Marbachius  senatus  Argentoratensis  orator  coram  concione  circa  sacramenta  ab  ipso  postulaverit  et  quid  ipse  responderit.  7)  Libertetum.  Etiam  haec  nos  fugiunt.  8)  tabellarius.  9)  Haec  omnia  certissime  et  accuratissime  descripta  Farelli  manum  produnt  logices  legum  minime  curiosam.  10)  Cf.  1920.  11)  An  de  Lor  d  Courteney  earl  ofDevonshire  loquitur?  12)  Lege:  episcoporum,  scil.  Paulus  Noviomagus  concionator  aulicus,  eiusque  collega  Henricus  Buscoducensis  qui  auctores  fuerunt  ut  Lascus  solum  vertere  cogeretur.  Qui  tum  patriam  novam  sibi  et  suis  exsuiibus  quaerebat.