7:719  719  CONSENSIO  720  qui  plantat  aut  rigat  nihil  esse,  sed  unum  Deum  esse  qui  dat  incrementum,  ita  et  de  sacramentis  dicendum  est,  ea  nihil  esse,  quia  nihil  profutura  sint,  nisi  Deus  in  solidum  omnia  efficiat.  Instrumenta  1)  quidem  sunt,  quibus  efficaciter,  ubi  visum  est,  agit  Deus,  sed  ita  ut  totum  salutis  nostrae  opus  ipsi  uni  acceptum  ferri  debeat.  X.  Constituimus  ergo  unum  esse  Christum  qui  vere  intus  baptizat,  qui  nos  in  coena  facit  sui  participes,  qui  denique  implet  quod  figurant  sacramenta;  et  uti  quidem  his  adminiculis,  ut  totus  effectus  penes  eius  spiritum  resideat.  XI.  Sic  interdum  sacramenta  vocantur  sigilla,  dicuntur  fidem  alere  confirmare  promovere,  et  tamen  solus  spiritus  proprie  est  sigillum  et  idem  fidei  inchoator  est  et  perfector.  Nam  haec  omnia  sacramentorum  attributa  inferiore  loco  subsidunt,  ut  ne  minima  quidem  salutis  nostrae  portio  ab  unico  autore  ad  creaturas  2)  transferatur.  XII.  Praeterea  sedulo  docemus,  Deum  non  promiscue  vim  suam  exserere  in  omnibus  qui  sacramenta  recipiunt,  sed  tantum  in  electis.  Nam  quemadmodum  non  alios  in  fidem  illuminat  quam  quos  praeordinavit  ad  vitam,  ita  arcana  peculiari  que  spiritus  sui  virtute  efficit  ut  sacramenta  illis  solis  exhibeant  quod  offerunt.  s)  XIII.  Hac  doctrina  avertitur  illud  sophistarum  commentum  quod  docet  sacramenta  novae  legis  conferre  gratiam  omnibus  non  ponentibus  obicem  peccati  mortalis.  Praeterquam  enim  quod  in  sacramentis  nihil  nisi  fide  percipitur,  tenendum  quoque  est,  minime  alligatam  ipsis  esse  Dei  gratiam,  ut  quisquis  *  signum  habet  re  etiam  potiatur.  Nam  reprobis  peraeque  ac  electis  signa  administrantur:  veritas  autem  signorum  ad  hos  solos  pervenit.  xiV.  Certum  quidem  est  offerri  communiter  omnibus  Christum  cum  suis  donis,  nec  hominum  infidelitate  labefactari  Dei  veritatem,  quin  semper  vim  suam  retineant  sacramenta:  sed  non  omnes  recipiendi  sunt  capaces.  Itaque  ex  Dei  parte  nihil  mutatur:  1)  Huic  vocabulo  Calvinus  in  ex.  tunc.  vocem:  organa  subiecit  2)  creaturas  vel  elementa.  Calv.  in  exempt  tunc.  3)  Ex.  tunc.  corrigit:  ita  arcana  spiritus  sui  virtute  efficit  ut  percipiant  quod  offerunt  sacramenta.