23:719  719  SERMONS.  720  pas  renoncer:  et  quand  il  nous  gouverne  par  son  sainct  Esprit,  encores  que  le  peche  habite  en  nous,  il  n'y  regne  pas  toutesfois,  comme  il  est  dit  au  sixieme  chap.  des  Rom.  qu'encores  que  nous  ne  facions  le  bien  que  nous  voulons,  si  est-ce  que  nous  y  taschons.  Dieu  donc  approuve  cela,  d'autant  qu'il  est  de  luy:  mais  notons  qu'il  nous  iustifie  en  nos  personnes  et  nous  iustifie  mesmes  en  nos  oeuvres  par  la  pure  foy.  Quand  il  nous  recoit  du  premier  coup,  il  ne  peut  pas  iustifier  nulles  oeuvres  qui  soyent  en  nous  :  Et  pourquoy  ?  Elles  sont  toutes  mauvaises.  Car  comme  nous  avons  declaire,  un  arbre  pourri  quel  fruit  peut-il  apporter?  Dieu  donc  en  attirant  a  soy  les  povres  pecheurs,  et  qui  sont  bannis  et  reiettez  de  son  Royaume  et  de  son  Eglise,  ne  iustifie  pas  leurs  oeuvres:  mais  voyant  leurs  miseres  ayant  pitie  de  leur  perdition,  voila  comme  il  les  iustifie.  Or  apres  qu'il  les  a  receus,  il  les  iustifie  en  leurs  personnes,  c'est  a  dire,  il  les  a  agreables  comme  ses  enfans,  et  puis  il  iustifie  leurs  oeuvres.  Et  comment?  Non  point  les  appelant  a  conte,  ni  les  iugeant  a  la  rigueur:  car  il  y  aura  tousiours  comme  i'ay  dit,  quelque  vice  mesle  parmi,  ou  bien  des  traverses  [pag*  173],  et  choses  semblables  qui  gasteront  tout.  Quand  un  vin  sera  le  meilleur  du  monde,  s'il  est  en  un  tonneau  punais,  ou  qu'on  le  mette  en  bouteille  qui  sera  corrompue,  voila  le  vin  gaste.  Ainsi  en  est-il  de  toutes  nos  oeuvres:  car  d'autant  que  Dieu  nous  y  conduit  et  gouverne  par  son  S.  Esprit,  elles  sont  bonnes  et  sainctes  et  louables:  mais  regardons  quels  vaisseaux  nous  sommes,  pleins  d'infection  et  de  puantise.  Ainsi  voila  nos  oeuvres  qui  sont  corrompues,  il  faut  donc  que  Dieu  les  purge  et  nettoye.  Et  comment?  Par  sa  pure  grace  en  nous  pardonnant  les  fautes  et  imperfections  qui  y  sont.  Parquoy  tout  ainsi  qu'il  y  a  diversite  entre  un  homme  fidele,  et  un  homme  que  Dieu  appelle  du  commencement  a  l'Evangile:  aussi  la  iustification  est  un  peu  diverse,  mais  elle  ne  change  point  quant  a  cest  article,  c'est  assavoir,  que  Dieu  iustifie  tousiours  les  siens  gratuitement,  c'est  a  dire,  qu'il  les  a  agreables,  non  point  pour  vertus  qui  soyent  en  eux,  car  il  n'y  en  a  point,  ni  pour  celles  mesmes  qu'il  y  a  mises:  car  elles  sont  a  condamner  pour  l'infirmite  qui  y  reside:  mais  c'est  pource  que  ceux  qu'il  a  esleus,  il  les  iustifie,  comme  S.  Paul  en  parle  au  huitieme  chap.  des  Rom,  Voila  donc  en  somme  ce  que  nous  avons  a  retenir,  quant  a  ceste  question  qu'on  pourroit  ici  esmouvoir.  Or  notons  qu'outre  ce  que  les  Papistes  pensent  [pag.  174]  qu'en  partie  les  hommes  peuvent  obtenir  iustice  et  absolution  devant  Dieu,  ils  se  trompent  trop  lourdement  en  leurs  satisfactions,  ils  sont  aveuglez,  di-ie,  en  ce  qu'il  pensent  avoir  quelques  vertus  que  Dieu  doyve  approuver.  Il  est  vray  qu'encores  ont-ils  honte  de  dire  que  leurs