9:718  Estans  munis  de  telle  fiance  nous  invoquons  Dieu  au  nom  de  son  filz,  lequel  il  nous  a  donne  pour  mediateur  et  advocat,  et  luy  adressons  hardyment  noz  prieres,  ayant  si  bon  acces  et  prive  envers  luy  :  ioint  qu'il  nous  declaire  que  noz  prieres  luy  seront  sacrifice  de  bon  odeur  et  qu'il  nous  commande  d'avoir  nostre  1)  refuge  a  luy  par  ce  moyen  2).  Nous  croyons  que  Tordre  de  l'Eglise  que  Iesuchrist  a  estably  en  son  authorite,  doibt  estre  tenu  sacre  et  inviolable.  Et  pourtant  que  l'Eglise  ne  peut  consister  sinon  qu'il  y  ait  des  Pasteurs  qui  ayent  la  charge  d'enseigner.  Lesquels  on  doibt  honorer  et  escouter  en  reverence  quant  ils  sont  deuement  appellez  et  exercent  fidellement  leur  office.  En  quoy  nous  detestons  tous  fantastiques  qui  vouldroyent  aneantir,  en  tant  qu'en  eux  est,  la  predication  de  la  parolle  de  Dieu  3).  Nous  croyons  qu'il  faut  garder  et  entretenir  l'unite  de  l'Eglise  4),  et  que  tous  ceux  qui  s'en  separent  sont  gens  pervers  qu'on  doibt  fuir  comme  pestes  mortelles.  Toutesfois  nous  pensons  qu'il  faut  prudemment  discerner  quelle  est  la  vraye  Eglise,  pource  que  plusieurs  abusent  faussement  de  ce  tiltre.  Nous  disons  doncques  que  c'est  la  compagnie  des  fidelles  qui  s'accordent  a  suivre  la  parolle  de  Dieu  et  la  pure  religion  qui  en  depend,  et  profitent  en  icelle  tout  le  cours  de  leur  vie,  croissans  et  se  confermans  en  la  crainte  de  Dieu,  selon  qu'ilz  ont  besoin  de  s'avancer  et  marcher  tousiours  plus  oultre.  Mesme  quoy  qu'ils  s'efforcent,  qu'il  leur  convient  avoir  incessamment  leur  recours  a  la  remission  de  leurs  pechez  o).  Nous  croyons  que  les  sacremens  sont  coniointz  a  la  parolle  pour  plus  ample  confirmation,  a  fin  de  nous  estre  gages  et  mereaux  de  la  grace  de  Dieu,  et  par  ce  moyen  soulager  et  aider  nostre  foy  a  cause  de  l'infirmite  et  rudesse  qui  est  en  nous.  Nous  tenons  aussy  que  la  substance  d'iceux  est  Iesuchrist:  car  estans  separez  de  luy  ils  perdent  toute  vertu  6).  Nous  croions  que  le  baptesme  est  le  tesmoingnage  de  nostre  adoption  pource  que  la  nous  sommes  entez  7)  au  corps  de  Christ  afin  d'estre  laves  et  netoiez  par  son  sang,  et  puis  renouvellez  en  saincte  vie  par  son  esprit.  Or  combien  que  le  baptesme  soit  sacrement  de  foy  et  de  penitence,  neanmoins  puis,  que  Dieu  recoit  en  son  eglise  les  enfans  avec  les  peres,  nous  disons  que  par  l'authorite  de  Iesu≫  1)  nostre  omis.  2)  Rom.  8,  15.  Gal.  4,  5.  3)  Eph.  4,  l  l  .  4)  Add.  et  ex  animo  colendam.  5)  Eph.  2,  2.  6)  Rom.  4,  l  l  .  Eph.  5,  26.  7)  entrez.