7:718  catio,  necesse  est  ut  effectus  vel  res  ipsa  signo  respondeat.  Vi.  Quod  autem  per  sacramenta  dicimus  nos  fieri  Christi  et  spiritualium  eius  donorum  participes,  in  eo  non  ad  signa  nuda,  sed  potius  ad  promissionem,  quae  illis  adnexa  est,  respectum  habemus.  1)  Quatenus  ergo  in  promissione  illic  oblata  proficit  nostra  fides,  eatenus  ista  vis  et  efficacia,  quam  dicimus,  se  exserit.  Ita  materia  aquae  aut  panis  aut  vini  Christum  nequaquam  nobis  offert,  nec  spiritualium  eius  donorum  compotes  nos  facit,  sed  promissio  magis  spectanda  est,  cuius  partes  sunt  nos  recta  fidei  via  ad  Christum  ducere.  Vii.  Hic  concidit  papistarum  error  qui  in  elementis  obstupescunt,  et  illis  affigunt  salutis  suae  fiduciam,  quum  sacramenta  a  Christo  separata  nihil  sint  quam  inanes  larvae,  et  in  ipsis  omnibus  haec  vox  clare  personet,  non  alibi  quam  in  solo  Christo  haerendum,  nec  aliunde  petendam  esse  salutis  gratiam.  Viii.  Praeterea  si  quid  boni  per  sacramenta  nobis  confertur,  id  non  fit  propria  eorum  virtute,  etiamsi  promissionem,  qua  insigniuntur,  comprehendas.  Deus  enim  solus  est  qui  spiritu  suo  agit;  et  quod  sacramentorum  ministerio  utitur,  in  eo  neque  vim  illis  suam  infundit,  nec  spiritus  sui  efficaciae  quidquam  derogat  :  sed  pro  ruditatis  nostrae  captu  ea  tanquam  adminicula  sic  adhibet,  ut  tota  agendi  facultas  maneat  penes  ipsum  solum.  IX.  Itaque,  quemadmodum  Paulus  admonet,  eum  1)  Ex.  turic.  initium  huius  articuli  sic  mutatum  exhibet:  N  e  q  u  e  enim  a  d  s  i  g  n  a  n  u  d  a  .  .  .  .  r  e  s  p  i  c  e  r  e  convenit