7:717  CONFESSIO  GEBENNENSIS  ECCLESIAE  MINISTRORUM  DE  SACRAMENTIS  BERNENSIUM  SYNODO  OBLATA  MENSE  MARTIO  1549.  I.  Quum  in  hunc  finem  Dominus  sacramenta  instituerit  ut  per  ea  gratiam  suam  nobis  testetur  atque  obsignet,  ut  vera  sint  gratiae  Dei  testimonia  et  sigilla,  vere  nobis  exhiberi  oportet  quod  figurant.  l)  II.  Porro  sacramentorum  veritas  in  Christo  continetur:  sed  ut  ea  melius  constet,  priore  loco  statuendus  est  Christus  ipse,  tanquam  substantia  et  fundamentum;  deinde  fructus  et  vis  mortis  ipsius  et  quaecunque  ab  ipso  nobis  proveniunt  bona.  III.  Hic  ergo  sacramentorum  finis  est:  primum  ut  Christo  potiamur  tanquam  bonorum  omnium  fonte;  deinde,  ut  beneficio  mortis  eius  reconciliemur  Deo,  spiritu  eius  renovemur  in  vitae  sanctitatem,  iustitiam  denique  et  salutem  consequamur.  IV.  Ita  in  baptismo  considerandus  primum  est  ipse  Christus  cum  suo  sanguine,  deinde  ablutio  et  vitae  novitas  quae  inde  manant.  In  coena  primum  locum  obtinent  corpus  pro  nobis  crucifixum  et  sanguis  in  cruce  fusus,  deinde  peccatorum  expiatio,  ius  adoptionis,  vitae  novitas,  et  quaecunque  ad  vitam  aeternam  spectant.  V.  Ergo  quicunque  rite  et  pie  utuntur  sacramentis,  Christum,  ut  illic  nobis  offertur,  una  cum  spiritualibus  eius  donis  recipiunt.  Nam  ut  verax  sit  Deus,  necesse  est  quidquid  significat  et  promittit  ab  ipso  impleri  ac  praestari.  Atque  ut  vera  sit  signifi-  1)  In  exemplari  turicensi  ipsius  Calvini  manu  correcto  Art  L  ita  sonat  :  Sunt  quidem  et  alii  sacramentorum  fines,  sed  hic  unus  inter  alios,  ut  per  ea  gratiam  caett.