23:717  717  SERMONS.  718  de  gloire  en  nous,  et  que  tout  le  bien  que  nous  pouvons  apporter  [pag.  168]  c'est  don  gratuit  de  Dieu,  pource  que  de  nous-mesmes  nous  ne  saurions  que  pecher:  ils  confesseront  tout  cela,  et  en  somme  ils  diront  que  nous  sommes  iustifiez  de  pure  grace,  que  nous  sommes  iustifiez  sans  nos  oeuvres,  qu'il  n'y  a  rien  du  nostre,  et  que  Dieu  nous  donne  le  tout:  ont-ils  confesse  cela?  Ils  ne  laissent  pas  toutesfois  de  se  ruyner,  et  eux,  et  les  autres.  Et  comment?  Il  leur  semble  qu'ils  sont  desia  parvenus  a  une  perfection,  la  ou  il  n'y  a  rien  que  redire.  Car  qui  est-ce  qui  trouvera  a  dire  en  un  homme  quand  il  sera  tellement  abatu  en  soy,  qu'il  sera  mesme  du  tout  aboli,  qu'il  confessera  qu'il  n'y  a  rien  que  malediction  en  soy,  et  que  tout  ce  qu'il  a  de  bien  vient  de  la  pare  liberalite  de  Dieu,  en  sorte  que  Dieu  seul  en  est  exalte  et  magnifie,  et  que  l'homme  est  aneanti  en  soy  mesmes,  a  fin  de  faire  recognoissance  et  hommage  a  Dieu,  qu'il  tient  tout  de  sa  pure  bonte?  Voire  mais  nous  avons  desia  declaire,  que  si  nous  doutons,  la  porte  des  cieux  nous  est  fermee.  Or  il  faut  bien  que  nous  doutions,  ou  que  nous  soyons  enragez  du  tout,  quand  nous  regardons  en  nos  oeuvres.  Prenons  le  cas  que  Dieu  ait  regenere  un  homme  par  son  sainct  Esprit,  et  que  celuy-la  seulement  rend  graces  a  Dieu  ainsi  que  nous  avons  recite  en  parlant  du  Pharisien,  et  qu'il  dise,  non  ie  tiens  tout  de  Dieu,  cependant  si  faut-il  quand  il  vient  le  prier  [pag.  169],  qu'il  viene  en  confiance.  Et  comment  y  viendra-il?  D'autant  qu'encores  il  est  imparfait  et  debile,  il  aura  beaucoup  de  vices  meslez,  parmi  les  vertus  que  Dieu  y  a  mises:  et  ces  vertus-la  mesmes  seront  encores  vicieuses,  d'autant,  di-ie,  qu'il  ne  sera  point  du  tout  nettoye  des  macules  de  la  chair.  Quand  un  homme  se  trouvera  ainsi  au  milieu  du  chemin,  et  qu'il  sera  encores  bien  loin  de  son  but,  que  pourra-il  faire  sinon  douter?  Ainsi  donc  concluons  que  ce  n'est  rien  de  confesser  que  nostre  salut  procede  de  la  pure  grace  de  Dieu,  entant  que  par  son  S.  Esprit  il  nous  gouverne,  mais  qu'il  faut  avoir  refuge  a  la  remission  de  nos  pechez.  Et  ainsi  ceux  qui  cavillent  en  cest  endroit,  et  font  des  sophistes,  disant  que  nous  ne  sommes  point  iustifiez  par  nos  oeuvres,  d'autant  que  les  bonnes  oeuvres  ne  sont  point  nostres,  mais  qu'elles  sont  dons  du  S.  Esprit,  oublient  ce  poinct  que  nous  avons  n'agueres  tdftche,  c'est  assavoir,  qu'il  faut  qu'il  y  ait  une  certitude  en  nostre  foy,  et  que  ceste  certitude-  la  ne  peut  estre  sinon  que  Iesus  Christ  soit  nostre  advocat,  et  que  sa  mort  soit  la  satisfaction  de  nos  pechez,  tellement  que  nous  ne  pouvons  faire  sinon  que  nous  confessions,  la  debte,  ainsi  que  nous  avons  allegue  l'exemple  du  Publicain.  Or  nous  voyons  aussi  bien  que  ceste  iustice  n'est  pas  seulement  pour  un  iour,  mais  [pag.  170]  qu'il  faut  qu'elle