7:716  Domini  contemnit.  In  baptismo  fidelium  Dominus  intus  sui  spiritus  virtute  perficit  quod  foris  testificatur  externo  signo.  In  coena  Domini  celebrata  a  fidelibus  Dominus  intus  spiritus  sui  virtute  perficit  quod  foris  obsignat  symbolor  In  animo  sese  fruendum  praebet  et  sui  communionem  reparat  atque  continuat,  foris  id  testificatur  atque  significat.  Placent  haec  Ubi  sat  scio.  Et  perplacent  quae  sub  finem  responsionis  tuae  ex  solemni  formula  recitasti,  panem  et  vinum  data  nobis  esse  in  signa  et  testimonia,  veritatem  autem  spiritualiter  quaerendam  esse,  ubi  scriptura  inveniri  docet,  nec  inhaerendum  signis  terrenis,  sed  erigendas  mentes  sursum,  ubi  -Christus  habitat  in  gloria  patris  et  unde  eum  exspectamus  in  redemptionem  ultimam.  Haec  probo,  his  subscribo,  in  his  tecum  concors  idem  perpetuo  docere  volo.  ,  Ac  spero  hisce  meis  omnibus  placide  tecum  expensis  te  in  ipsa  rerum  substantia  nihil  improbaturum.  Vale.  Tiguri  15  Martii  1549.  Tuus  Bullingerus.