8:715  715  SIGNA  SEXAGINTA  REGNI  ANTICHRISTI,  ET  REvELATIO  EIUS,  IAM  NUNC  PRAESENS.1)  Primum  signum:  Orbis  perturbatio,  et  consummata  tribulatio  (Matth  M  et  Lucae  2I).  Antichristi  tempus  hinc  colligere  docet  Christus.  Secundum  signum  :  Papa  Christo  contraria  docet,  Christo  contraria  facit,  et  regnum  eius  occupat:  ergo  Antichristus  est  Ab  evidentia  facti  sumitur  argumentum.  Tertium  signum:  Usque  ad  regnum  papatus  semper  crevit  [pag.  665]  christianismus,  et  a  regno  papatus  semper  decrevit.  Digitus  est  Dei,  et  punitio  insignis.  Quartum  signum:  Sub  eo  regno  nemo  cognovit,  hominem  esse  ex  patre  Deo  genitum.  Antichristi  regnum  est,  non  cognoscere  Christum,  ut  ait  Ioannes.  Quintum  signum:  In  exercitu  Romanorum  contra  terrenam  Ierusalem  figuravit  Christus  exercitum  romanum  Antichristi,  qui  ecclesiam  Dei,  coelestem  civitatem,  et  regnum  Christi  desolaret:  quemadmodum  in  exercitu  Antiochi  idem  figuravit  Daniel.  Sextum  signum:  Tanta  est  tyrannis  Antiochi  nostri,  ut  nemo  audeat  vera  loqui,  nemo  librum  Dei  legere,  sed  strenue  adulari,  ne  comburatur.  Septimum  signum:  Quod  inducenda  sub  Antichristo  essent  in  errorem  quasi  etiam  electi.  Quotusquisque  est,  qui  papatum  agnoscendo  non  erravit?  Octavum  signum:  Prius  debere  in  gentes  divulgari  evangelium,  ait  Christus,  quam  veniret  Antichristus  (Marc.  13).  Ergo  mox  venturum  indicavit.  Mox  futurum  aiunt  Paulus  et  Ioannes.  Nonum  signum:  Prius,  ait  Christus,  tradendos  apostolos  et  discipulos  ante  reges  et  praesides,  quam  veniret  Antichristus.  Ergo  statim  venturum  significavit.  Decimum  signum:  In  diebus  illis,  inquit,  post  vestram  afflictionem,  sol  Christus  obscurabitur,  ecclesia  non  dabit  splendorem  suum,  stellae  coeli  decident  1)  Vide  supra  Epistolam  vigesimam  cui  hoc  corollarium  addendum  putavimus.