23:715  715  SERMONS.  716  dit,  qu'il  nous  faut  estre  asseurez  que  Dieu  nous  aime,  qu'il  nous  recoit,  et  que  nous  luy  sommes  agreables  comme  si  nous  estions  iustes.  Et  par  quel  moyen  obtenons-nous  un  tel  privilege?  Il  faut  venir  a  ce  que  dit  sainct  Paul  au  dixieme  chap.  des  Romains.  C'est  que  nous  iettons  la  veue  sur  nostre  Seigneur  Iesus  Christ.  Car  quand  on  nous  parle  de  nostre  salut,  d'un  coste  le  [pag.  164]  ciel  nous  estonne:  car  sommes-nous  dignes  d'approcher  de  la?  Et  puis  nous  voyons  l'enfer  qui  est  devant  nous  tout  ouvert  pour  nous  engloutir,  d'autant  que  nous  sommes  povres  pecheurs.  Nous  demanderons  donc  d'un  coste,  et  qui  est-ce  qui  montera  au  ciel?  Car  nous  ne  pouvons  pas  estre  capables  d'y  venir:  ou  sont  les  ailes  pour  monter  si  haut:  Et  puis  comme  i'ay  dit,  le  gouffre  d'enfer  nous  est  appreste,  voire  si  Dieu  nous  veut  iuger:  nous  dirons  donc,  et  que  savons-nous  si  nous  sommes  quittes  et  absous,  que  Dieu  ne  nous  abysme?  Or  la  dessus  sainct  Paul  respond,  et  ameine  le  remede,  qu'il  ne  nous  faut  point  douter  du  ciel.  Et  pourquoy?  Car  en  la  personne  de  nostre  Seigneur  Iesus  Christ,  nous  savons  qu'il  a  este  ouvert.  C'est  arracher  Iesus  Christ,  dit-il,  quand  nous  demanderons  plus  avec  doute,  qui  montera?  Car  nous  savons  que  le  Fils  de  Dieu  a  proteste  qu'il  y  a  plusieurs  logis  en  la  maison  de  son  Pere,  et  qu'il  n'y  a  pas  este  receu  pour  son  profit  particulier,  mais  que  c'a  este  a  fin  de  nous  recueillir  a  soy  comme  ses  coheritiers.  Touchant  des  enfers,  il  y  est  descendu:  car  il  a  souffert  les  angoisses  qui  nous  estoyent  apprestees,  il  a  souffert  les  horribles  tormens  de  la  malediction  de  Dieu,  iusqu'a  dire,  Mon  Dieu,  mon  Dieu  pourquoy  m'as-tu  laisse?  Ainsi  donc  quand  nous  prenons  la  certitude  de  nostre  [pag.  165]  salut,  voila  comme  nous  sommes  asseurez.  Et  c'est  aussi  ce  qu'il  entend  au  huitieme  chap.  des  Romains.  Qui  accusera  contre  les  eleus  de  Dieu?  dit-il:  II  despite  la  et  Satan  et  tout  ce  qui  nous  est  contraire,  comme  s'il  disoit,  moyennant  que  nous  ayons  renonce  a  toute  arrogance,  et  que  nous  n'imaginions  point  de  rien  pouvoir  venans  a  Dieu  sachans  que  pource  qu'il  nous  a  eleus  par  sa  bonte  gratuite,  comme  il  nous  a  aussi  appelez  a  soy  par  l'Evangile,  qu'on  accuse  tant  qu'on  voudra,  si  seront-nous  iustifiez  et  absous  de  luy:  et  comment?  Car  voila  nostre  Seigneur  Iesus  Christ  qui  intercede,  dit-il,  et  en  vertu  de  ceste  priere,  d'autant  qu'il  est  nostre  advocat  pour  appaiser  l'ire  de  Dieu  son  Pere,  voila  comme  nous  sommes  absous.  Et  c'est  la  certitude  de  laquelle  il  parle  au  quatrieme  chap.  des  Rom.  comme  nous  avons  desia  touche.  Et  cela  aussi  nous  est  declare  en  la  personne  du  povre  Publicain  c'est  a  dire  du  receveur  des  tailles  qui  estoit  reiette  de  tout  le  peuple,  quand  il  se  presente  a  Dieu.  Il  n'y  vient  point  la  teste  levee,  il  est  vray  qu'il  a