8:714  in  Christo  manebat,  postea  sublatus  arescit  {Ioan.  15).  Candelabrum,  quod  lucebat,  exstinguitur  {Apoc.  2  et  S).  Per  fidem  Christi  exit  immundus  spiritus  ab  homine,  et  postea  revertitur  {Matth.  12).  Effugit  quis  inquinamenta  mundi  per  fidem  servatoris  Iesu  Christi,  et  rursus  eis  involutus  superatur  {2.  Petr.  2).  Non  debet  tibi  absonum  videri,  quod  particeps  Christi  factus  aliquis,  postea  damnetur:  etiam  si  in  eius  nomine  prophetarit,  et  virtutes  ediderit  {Matth.  7).  Sicut  ab  initio  sunt  omnes  facti  participes  eiusdem  innati  spi-'  ritus  Dei,  et  nihilominus  plurimi  damnantur:  ita  postea  sunt  plerique  facti  participes  eiusdem  spiritus  Christi,  et  nihilominus  damnantur.  Saul  et  Salomon  ad  tempus  fuerunt  Deo  probati,  et  bono  spiritu  imbuti:  quem  postea  male  servantes  iustitiam  perdiderunt.  Iustitiam  olim  perdi  [pag.  664]  et  restitui  docet  Ezechiel  cap.  18  et  SS.  Quis  neget,  iustitiam  posse  perdi,  qui  videt  eam  in  Adamo  perditam?  Usque  ad  mortem  ideo  exigitur  perseverantia  et  fidelitas  {Matth.  10,  2a  et  Apoc.  2).  Alioqui,  quod  habet  quis,  tolletur  ab  eo.  Sed  ad  Israelitas  revertor.  Eos  tu  non  eandem  inter  se,  sed  eandem  nobiscum  escam  manducasse,  ex  Paulo  contendis:  ut  hoc  uno  telo  omnia  prosternas,  et  coelum  cum  terra  conf  undas.  Sed  cogita  melius,  et  Paulum  aliter  intelliges.  Quoquo  modo  tu  accipias,  responsio  facilis  est.  Sicut  figura  dicitur  idem  cum  re,  quam  figurat,  ita  cibus  ille  est  idem  cum  isto:  sicut  Christus  dicitur  Salomon,  et  Salomon  Christus.  Eadem  ratione  dicitur  cibus  ille  spiritualis,  ob  spiritualis  mysterii  allegoriam.  Lex  ipsa  Paulo  dicitur  spiritualis,  quia  spiritu  Dei  prolata  contra  carnem  ipsam  internum  spiritus  motum  et  affectum  exigebat  {Rom.  7).  Alia  item  ratione,  ob  contentum  mysterium',  erant  caeremoniae  spirituales  et  manna  cibus  spiritualis.  Si  ex  historia  elicias  allegoriam,  ut  elicit  Paulus,  quidquid  est  in  lege,  ea  conr  sideratione  dicetur  spirituale,  quia  est  figura  rei  spiritualis.  Exinde  vero  pessime  tu  concludis,  eos  esse  nobis  aequales:  imo  gloriae  adventus  Christi  plurimum  detrahis.  Dabit  tibi  Dominus,  ut  horum  omnium  intellectum  bonum  accipias,  spiritu  ipso  veritatis  ductus,  per  Iesum  Christum  et  Deum  patrem.  Amen.